មេធំ Miss Universe គ្រោងឱ្យថៃធ្វើជាម្ចាស់ផ្ទះ ក្នុងកម្មវិធីប្រកួតបវរកញ្ញាចក្រវាល ២០២៣

លោក Ittipol Khunpluem រដ្ឋមន្ត្រីក្រសួងវប្បធម៌ និងម្ចាស់ស្ថាប័នបវរកញ្ញាចក្រវាល Anne Chakrabongse នៅព្រឹកមិញនេះ បានជួបប្រជុំពិភាក្សាគ្នាអំពីលទ្ធភាពសម្រាប់ប្រទេសថៃក្នុងការធ្វើជាម្ចាស់ផ្ទះកម្មវិធីប្រកួត Miss Universe 2023 ។

ការពិភាក្សានេះធ្វើឡើងក្នុងគោលបំណងផ្សព្វផ្សាយវប្បធម៌របស់ថៃ តាមរយៈក្របខ័ណ្ឌនៃការប្រកួតបវរកញ្ញាចក្រវាល ព្រមទាំងជួយជំរុញសេដ្ឋកិច្ច និងបង្កើតប្រាក់ចំណូលសម្រាប់ឧស្សាហកម្មទេសចរណ៍ ដែលជាឧស្សាហកម្មចម្បង អាចបង្កើតប្រាក់ចំណូលដ៏ធំនៅក្នុងប្រទេស។

នៅក្នុងកិច្ចពិភាក្សា លោក Ittipol Khunpluem បានឱ្យតម្រុយថា ក្រសួងនឹងជួយ​ពន្លឿន​ការ​ស្នើសុំ​ឲ្យ​បាន​ឆាប់​រហ័ស ​តាម​ដែល​អាច​ធ្វើ​ទៅ​បាន ស្របពេលដែល Anne រំពឹង ១០០ភាគរយថា ប្រទេសថៃ អាចនឹងធ្វើជាម្ចាស់ផ្ទះសម្រាប់ឆ្នាំក្រោយ។ ទោះយ៉ាងណា ពេលនេះលទ្ធភាពដែលអាចរៀបចំការប្រកួតនៅប្រទេសថៃបានឬអត់ នាឆ្នាំ២០២៣ ខាងមុខ នៅមិនទាន់សម្រេចជាផ្លូវការនោះទេ៕

ប្រែសម្រួល៖ សន្យា

ចុចអាន៖ លេចដំណឹងថា មកុដបវរកញ្ញាចក្រវាលជំនាន់ថ្មី នឹងត្រូវប្រគល់ឱ្យម្ចាស់ស្ថាប័នជាអ្នកផ្ទេរ