ផលិតកម្ម YG ច្រានចោលរឿង Bobby សមាជិកក្រុម iKON មិនបន្តកុងត្រា

ផលិតកម្ម YG បានច្រានចោលនូវសេចក្តីរបាយការណ៏ដែលបានប្រកាសថា Bobby សមាជិកក្រុម iKON នឹងចាកចេញពីក្រុមដោយមិនបន្តកុងត្រាទៀតជាមួយផលិតកម្ម។

នៅថ្ងៃទី ១៥ នេះ ខាងផលិតកម្ម​ YG Entertainment ដែលជាភ្នាក់ងាររបស់ក្រុម iKON បានប្រាប់ទៅសារព័ត៌មាន Joy News 24 ជាផ្លូវការរបស់ខ្លួនដោយនិយាយថា “សេចក្តីរបាយការណ៍អំពីការផុតកំណត់កិច្ចកុងត្រារបស់ Bobby គឺគ្មានមូលដ្ឋានច្បាស់លាស់នោះទេ” ។ ការប្រកាសនេះបានធ្វើឡើង ក្រោយពេលមានប្រព័ន្ធផ្សព្វផ្សាយបានប្រកាសថា Bobby កំពុងតែស្វែងរកផលិតកម្មថ្មី បន្ទាប់ពីកិច្ចកុងត្រាលោកជាមួយ YG Entertainment ត្រូវបានបញ្ចប់។

គួររំម្លឹកដែរថា Bobby ជាសមាជិកក្រុម iKON បានបង្ហាញខ្លួនជាលើកដំបូងនៅក្នុងឆ្នាំ ២០១៥ ដែលគេស្គាល់លោកក្នុងនាមជាអ្នករ៉េបនាំមុខប្រចាំក្រុមសម្រាប់ចង្វាក់ហ៊ីបហប នេះ​ជា​ឆ្នាំ​ទី​ ៨ ​​ចាប់​តាំង​ពី​បង្ហាញ​ខ្លួន​ដំបូងពេលនេះ ហើយបច្ចុប្បន្ន​កុងត្រារបស់លោកកំពុងតែ​ជិត​ផុត​កំណត់ផងដែរ៕

ប្រែសម្រួល៖នាងតូច

ចុចអាន៖BLACKPINK ក្លាយជាក្រុមចម្រៀងស្រី K pop ដំបូងគេ ឈ្នះពានរង្វាន់ MTV EMAs ចំនួន ២

ចុចអាន៖Jungkook សមាជិកក្រុម BTS នឹងសម្តែងក្នុងពិធីបើកព្រឹត្តិការណ៍ FIFA World Cup ឆ្នាំ ២០២២