ខែមករា ឆ្នាំក្រោយ កម្មវិធីប្រកួតសម្រស់អន្តរជាតិមួយ​នឹងមករៀបចំនៅ កម្ពុជា

កម្មវិធីប្រកួតសម្រស់ និងសមត្ថភាព Miss Planet International 2022 ដែលគ្រោងនឹងរៀបចំវគ្គប្រកួតបឋម និងវគ្គផ្ដាច់ព្រ័ត្រនៅប្រទេស អ៊ុយហ្កាន់ដា បានប្រកាសប្ដូរមករៀបចំនៅប្រទេស កម្ពុជា វិញ នាខែមករា ឆ្នាំ២០២៣ ខាងមុខនេះ។

កាលពីថ្ងៃទី១៣ ខែវិច្ឆិកា ឆ្នាំ២០២២ កន្លងទៅថ្មីៗនេះ ផេកផ្លូវការរបស់ស្ថាប័ន Miss Planet International បានប្រកាសជាសាធារណៈថា កម្មវិធីប្រកួត MPI 2022 មិនអាចដំណើរការតាមការគ្រោងទុកនាថ្ងៃទី១៩ ខែវិច្ឆិកា ឆ្នាំ២០២២ នេះឡើយ ​ដោយសារអ្នករៀបចំកម្មវិធីនៅប្រទេស អ៊ុយហ្កាន់ដា មិនបានគោរពតាម និងបំពេញតាមតម្រូវការសម្រាប់ការសម្រេចនៃព្រឹត្តិការណ៍នេះ។ មូលហេតុនេះ ទើបម្ក្ចាស់កម្មវិធីសម្រេចប្ដូរទីតាំងមករៀបចំនៅប្រទេស កម្ពុជា នៅឆ្នាំក្រោយតែម្ដង។

ស្របពេលជាមួយគ្នា ខាងស្ថាប័ន Miss Planet International បានចេញមុខសុំទោសចំពោះបេក្ខភាពបវរកញ្ញាបណ្តាប្រទេសទាំងអស់ ចំពោះការអាក់រអួលមួយនេះផងដែរ៕

ប្រែសម្រួល៖ សន្យា

ចុចអាន៖ ម្ចាស់ថ្មី Miss Universe ជាប់ឈ្មោះជាស្ត្រីកែភេទមានឥទ្ធិពលបំផុតលើលោក