Linda Chung បង្ហាញសម្រស់គួរឱ្យភ្ញាក់ផ្អើល ក្រោយសម្រាលកូនទី៣

ការបង្ហាញខ្លួនរបស់តារាសម្ដែងស្រីប្រចាំទូរទស្សន៍ TVB បាននិងកំពុង​ទាក់​ទាញ​អ្នក​គាំទ្រ​ជា​ច្រើនឱ្យមកចាប់អារម្មណ៍លើរូបនាងជាខ្លាំង ថ្វីត្បិតទើបសម្រាលកូនស្រីទី៣ រួចពិតមែន ប៉ុន្តែសម្រស់របស់នាងនៅតែក្មេងជាងវ័យ បើមិនប្រាប់មិនដឹងថាមាននាងអាយុ ៣៨ឆ្នាំឡើយ។

Linda Chung ជាតារាសម្ដែងហុងកុងដ៏ល្បីមួយរូប តាមរយៈ​ភាពយន្ត​ជាច្រើនរបស់ TVB នាងបានក្លាយជាតារាស្រីជួរមុខ និងរកចំណូលបានខ្ពស់បំផុត។ យ៉ាងណាមិញ ក្រោយរៀបការកាលពីឆ្នាំ ២០១៥ នាងមិនសូវលេចមុខក្នុងវិស័យភាពយន្តទៀតឡើយ ហើយមិនសូវបង្ហាញវត្តមានលើបណ្ដាញសង្គមផងដែរ។ ទោះយ៉ាងណា នាងនៅតែបន្តសម្ដែងខ្លះៗ ខណៈហ្វេននៅតែគាំទ្រនាងមិនថមថយ និងតែងតែចង់ដឹងសុខទុក្ខរបស់នាងជានិច្ច។

ជាក់ស្ដែងថ្មីៗនេះ ក្រោយបង្ហាញខ្លួនលើអ៊ីនធឺណិត ហ្វេនៗលាន់មាត់សរសើរសម្រស់របស់នាងមិនដាច់ពីមាត់ ព្រោះមិនថានាងធ្លាប់ពពោះនិងសម្រាលកូនដល់ទៅ៣នាក់ហើយក្ដី ប៉ុន្តែសាច់ឈាមនៅតែស្រស់ថ្លា ទឹកមុខប៉ប្រិម រូបរាងនៅតែស្អាតសិចស៊ី។

ដោយសារសម្រស់មិនប្រួលប្រែបែបនេះ ទើប Linda Chung ជាប់ឈ្មោះជា “បុប្ផា TVB” ដែលវាបានធ្វើឱ្យអ្នកគាំទ្រជាច្រើនច្រណែនសម្រស់របស់នាង ជាពិសេសច្រណែននឹងជីវិតអាពាហ៍ពិពាហ៍របស់តារាសម្ដែងរូបនេះ សឹងគ្រប់គ្នា៕

ប្រែសម្រួល៖ សន្យា

ចុចអាន៖ ប្រវត្តិខ្លះៗរបស់តួឯកស្រីរឿង “សំណុំក្ដីក្រើកមេឃ” និងបញ្ហាចម្រូងចម្រាសមុនចាកចេញពី TVB

ចុចអាន៖ កន្លងទៅ ២៤ឆ្នាំ អតីតតួ ជូប៉ាចេ ត្រឡប់មកដើរតាមគន្លងចាស់