Weir បង្ហោះរូបលេងហ្គីតាកំដរប្រពន្ធ តែទស្សនិកជនបែរចាប់អារម្មណ៍លើរូបរាងខ្លាំងជាង

បន្ទាប់ពីរៀបការបាន ៥ខែ ពេលនេះប្ដីប្រពន្ធ​ Weir-Vicky កំពុងត្រៀមស្វាគមន៍ទាយាទដំបូងរបស់ខ្លួនយ៉ាងអន្ទះសារ ស្របពេលដែលពេលវេលានៃការសម្រាលកាន់តែកៀកមកដល់ អនាគតប៉ាម៉ាក់ថ្មោងថ្មី នាំគ្នាត្រៀមសម្ភារក្មេងយ៉ាងច្រើន ថែមទាំងរៀនច្រៀងទុកបំពេរកូនទៀតផង។

អំឡុងសម្រាកនៅផ្ទះ មុនកូនដំបូងសម្រាល Weir Sukolwat បាននៅមើលថែ Vicky Pemonya ​យ៉ាងកក់ក្ដៅ មិនតែប៉ុណ្ណោះតារាប្រុសរូបនេះបានបង្កើតសកម្មភាពសប្បាយៗកំដរភរិយាសំណព្វចិត្ត ព្រមទាំងរៀនលេងហ្គីតា និងច្រៀងលេង ដើម្បីទុកលួងកូនផងដែរ។

តាមរយៈសារដែល Weir បានបង្ហោះនៅលើបណ្ដាសង្គម Instagram មានអត្ថន័យថា “ពេលនៅផ្ទះ ព្យាយាមរក​រឿងថ្មី​ធ្វើ​ ហាសហា ប្រពន្ធ​អ្នកថត​ឃ្លីបឱ្យ ឯប្តី​ច្រៀងឱ្យ​កូន​ស្តាប់ ជីវិតសាមញ្ញ​ប៉ុណ្ណឹង”។

យ៉ាងណាមិញ ក្រោយពេលទស្សនិកជនបានឃើញសារ ពួកគេបែរជាចាប់អារម្មណ៍លើសម្រស់របស់ Weir ជាខ្លាំង ព្រោះថារៀបការជិតកន្លះឆ្នាំ មើលទៅលោកនៅតែរក្សារូបរាងស្រស់សង្ហា សាច់ដុំតឹងណែនមិនប្រែ ​ប៉ុន្តែពុកមាត់វិញដុះឡើងស្រមាមប៉ាក ហាក់ដូចជាមិនធ្លាប់កោរទាល់តែសោះ៕

ប្រែសម្រួល៖ សន្យា

ចុចអាន៖ ប៉ុន្មានខែទៀតទើបសម្រាល តែប្ដីប្រពន្ធ Weir-Vicky បណ្ដើរគ្នាទិញសម្ភារកូនទុកមុនបាត់

ចុចអាន៖ គូស្នេហ៍ Weir-Vicky ស្រូតទិញវីឡាប្រណីតកណ្ដាលក្រុង​ ត្រៀមស្វាគមន៍កូនដំបូង