SNSD ត្រូវជ្រើសរើសជាក្រុមចម្រៀងលេខ ១ សម្រាប់ការវិលមកវិញក្នុងឆ្នាំ ២០២២

ចំពេលការត្រលប់មកវិញម្តងនេះក្រុម Girls’ Generation ត្រូវបានជ្រើសរើសជាក្រុមចម្រៀងលេខ ១ ក្នុងឆ្នាំ២០២២ ដោយត្រូវបានបោះឆ្នោតដោយមន្ត្រីជំនាញផ្នែកវិស័យកម្សាន្តចំនួន ២០០ នាក់ ។

ការវិលមកវិញដើម្បីរំលឹកខួបលើកទី ១៥ នៃការបង្ហាញជាផ្លូវការនៅលើវិស័យ K POP បន្ទាប់ពីបាត់មុខយូរក្រុមចម្រៀង Girls’ Generation នៅតែរក្សាតំណែងជា ‘Queen of K-pop’ ដដែល ដោយទទួលបាន ៦៣ សំឡេងពីមន្ត្រីជំនាញផ្នែកវិស័យកម្សាន្ត និងទទួលបានចំណាត់ថ្នាក់លេខ ១ ដែលជាលទ្ធផលលើសលប់។

ជាមួយនឹងលមិទ្ធផលនេះ ក្រុមចម្រៀង Girls’ Generation បានវ៉ាដាច់ក្រុមBIG BANG ដែលមាន ៣៣ សម្លេង និងBLACKPINK ទទួលបាន ២៦ សម្លេង ក៏ដូចជាតារាចម្រៀង Psy មាន១៦ សម្លេងរួមទាំង IU មាន ៩ សម្លេង និងក្រុមNCT 127, ក្រុមIVE មាន ៦ សម្លេង ជាចុងក្រោយ Zico, KARA មាន ៤ សម្លេង ជាពិសេសក្នុងនោះក៏មានឈ្មោះ Taeyeon ជាមេក្រុម GIRLS’ GENERATION ទទួលបាន ១២ សម្លេងផងដែរ។

យ៉ាងណាមិញ នេះមិនមែនជាលើកទីមួយទេដែលក្រុម Girls’ Generation ទទួលបានភាពជោគជ័យដោយកាលថ្ងៃទី ៥ ខែសីហា ឆ្នាំ ២០០៧ ពួកគេបានគ្រងដំណែងជា ‘Queen of K-pop’ ដោយបន្សល់ទុកដានដ៏មានអត្ថន័យក្នុងអំឡុងពេលសកម្មភាពរបស់ពួកគេ។ នៅចុងឆ្នាំ ២០១៧ ដែលជាខួប \លើកទី ១០ នៃការបង្ហាញខ្លួនរបស់ពួកគេ បានគ្រងដំណែងនេះដដែរថែនទៀតផង៕

ប្រែសម្រួល៖នាងតូច

ចុចអាន៖Jennie បង្ហាញអារម្មណ៍រំភើប និងចង់សម្ដែងរឿងថ្មីបន្ថែមទៀតនាពេលអនាគត