បើមិនក្លាយជាតារាចម្រៀងទេ Jennie នឹងចាប់អាជីពមួយនេះ

តារាចម្រៀង Kim Jennie បានទម្លាយគោលបំណងមួយរបស់ខ្លួន កាលពុំទាន់ក្លាយជាអ្នកចម្រៀង ប្រសិនបើមិនបានចូលរួមជាសមាជិកក្រុម BLACKPINK នោះទេ ​នាងនឹងចាប់អាជីពពាក់ព័ន្ធនឹងវិស័យម៉ូដ។

តាមរយៈបទសម្ភាសន៍ជាមួយទស្សនាវដ្ដី Vogue របស់កូរ៉េ Jennie បានប្រាប់ថា នាងនឹងជ្រើសរើសធ្វើជាអ្នកកែសម្រួលទស្សនាវដ្តី ឬអ្នករចនាម៉ូដ ព្រោះនាងស្រឡាញ់វិស័យនេះបំផុត បន្ទាប់ពីអាជីពជាអ្នកចម្រៀង។

ជាក់ស្ដែងថ្មីៗនេះ Kim Jennie បានបង្ហាញខ្លួនជាលើកដំបូងក្នុងនាមជាអ្នកកែសម្រួលម៉ូដសម្រាប់ Vogue Korea ហើយនាងពិតជាបំពេញតួនាទីបានល្អលើសការរំពឹងទុក ធ្វើឱ្យចាងហ្វាងទស្សនាវដ្ដីពេញចិត្តលើរូបនាងយ៉ាងខ្លាំង។

យោង​តាម​ទស្សនាវដ្ដី Vogue Korea នេះ​ជា​លើក​ទី​មួយហើយ​ដែល Jennie ចូល​រួម​ថត​រូប​លើស​ពី​ការ​បង្ហាញ​ម៉ូដ​ ព្រោះលើកនេះនាងជាអ្នករៀបចំផែនការ ជ្រើសរើសម៉ូដសក់ ការតុបតែងមុខ រួមទាំងស្ទីលផ្សេងៗ សុទ្ធសឹងជាគំនិតរបស់នាងទាំងអស់៕

ប្រែសម្រួល៖ សន្យា

ចុចអាន៖ បើមិនក្លាយជាតារាចម្រៀងទេ Lisa នឹងចាប់អាជីពមួយនេះ

ចុចអាន៖ Jennie ទម្លាយចំណុចខ្សោយខ្លួនឯង ហ្វេនដឹងហើយ អស់សំណើចគ្រប់គ្នា