ជីវិតកម្សាន្ដ

ក្ដៅចិត្ត! ប៊ី សុធារី ទម្លាយទាំងយប់ អ្នកជំពាក់លុយមិនសង

បានផុស

២ years មុន

នៅ

ថ្ងៃពុធ ២៣ វិច្ឆិកា ២០២២

ដោយ

ភ្នំពេញ ៖ នេះអាចចាត់ទុកជាការព្រមានថ្មីមួយទៀត សម្រាប់អ្នកដែលខ្ចីលុយគេមិនសង ខណៈអតីតបវរកញ្ញាចក្រវាលកម្ពុជាឆ្នាំ ២០១៧ កញ្ញា ប៊ី សុធារី បានសម្រេចទម្លាយអត្តសញ្ញាណបុគ្គលម្នាក់ ជំពាក់លុយហើយ បែរជាគេចវេះមិនព្រមសងតាមការសន្យា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងកាលពីវេលាម៉ោងប្រមាណជាង ១១ យប់ ថ្ងៃទី ២២ ខែវិច្ឆិកា ឆ្នាំ ២០២២ បវរកញ្ញារូបស្រស់ ប៊ី សុធារី បានដាច់ចិត្តបង្ហោះសារក្តៅៗភ្ជាប់ជាមួយរូបភាពបុគ្គលម្នាក់ដែលទំនងជាអ្នកសិល្បៈផងនោះ ដោយការបកអាក្រាតជុំវិញរឿងរ៉ាវខ្ចីលុយមិនសង ហើយថែមទាំងមានបំណងគេចពីការដោះស្រាយទៀតផង។ ចំណែកទំហំទឹកប្រាក់ដែលត្រូវគេជំពាក់នោះមិនត្រូវបាន ប៊ី សុធារី បញ្ជាក់ថាមានចំនួនប៉ុន្មានទេ។

កញ្ញា ប៊ី សុធារី បានបញ្ចេញអារម្មណ៍របស់ខ្លួនបែបនេះថា សូមជួយតបឆាត ក៏ដូចជាសងលុយខ្ញុំផង ខ្ញុំទុកពេលឲ្យមកយូរហើយ។ ចា៎ ,នេះលទ្ធផលខ្ចីតែមួយថ្ងៃសង ឥឡូវជាងមួយខែហើយ អត់មានការឆ្លើយតបអ្វីទាំងអស់ ឆាតអត់តប លេខតេអត់ចូល ឥឡូវបង្កើត account ថ្មី ធ្វើដូចអត់មានរឿងអ្វីកើតឡើង។ និយាយពីលេសវិញមួយលានលេស បើអត់ឆាតទៅមុនក៏អត់ឆាតមកប្រាប់យើងដែរថា ម៉េចម៉ាហើយ ឥឡូវឈប់តបឆាត ហើយបង្កើត account ថ្មី គិតថាចប់មែន?។