ជីវិតកម្សាន្ដ

កូនប្រុសពៅលោក ខាត់ ចំរើន ធ្វើខួបកំណើតមុខរូបថតឪពុក ខណៈ ខាត់ សុឃីម ពោលទាំងអួលដើម.ក

បានផុស

២ years មុន

នៅ

ថ្ងៃពុធ ២៣ វិច្ឆិកា ២០២២

ដោយ

មិនត្រឹមតែតារាស្រីពហុជំនាញ ខាត់ សុឃីម ម្ដាយធំ (អ៊ំស្រី) នោះទេ ដែលបង្ហាញក្ដីក្ដុកក្ដួលខ្លោចចិត្តអាណិតដល់កូនប្រុសពៅរបស់តារាកំប្លែងលោក ខាត់ ចំរើន ក្នុងនោះគេឃើញអ្នកគាំទ្រជាច្រើន បានរំជួលចិត្តគ្រប់គ្នា នាថ្ងៃខួបកំណើតកូនពៅរបស់លោក ដែលគ្មានវត្តមានឪពុកជាទីស្រលាញ់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខាត់ ចំរើន ដែលជាប្អូនប្រុសបង្កើតអ្នកនាង ខាត់ សុឃីម បានទទួលមរណភាពកាលពីព្រឹកថ្ងៃទី ២០ ខែវិច្ឆិកា ឆ្នាំ ២០២២ ក្នុងវ័យ ៤០ ឆ្នាំ។ ចំណែកពិធីបុណ្យ និងពិធីបូជាសព ត្រូវបានរៀបចំរួចរាល់ហើយ កាលពីយប់ថ្ងៃទី ២១ ខែវិច្ឆិកា កន្លងទៅនេះ។ រឿងដែលកាន់តែធ្វើឲ្យមហាជនស្រណោះទៀតនោះ បន្ទាប់ពីការបូជាសពឪពុកមិនបាន ១ ថ្ងៃផង ក៏ស្រាប់តែដល់ថ្ងៃខួបកំណើតកូនប្រុសឈ្មោះ ខាត់ ចំរើនសុខវិច្ចៈបុត្រ។

តាមរយៈការរៀបរាប់ទាំងអួលដើម.ក របស់អ្នកនាង ខាត់ សុឃីម បាននិយាយថា ហ៊ឺ…! សែនខ្លោចចិត្តខ្លាំងណាស់បងប្អូនអើយ កូនពៅរបស់ប្អូន ខាត់ ចំរើន ខ្ញុំ គឺថ្ងៃខួបកំណើត ៩ ឆ្នាំថ្ងៃនេះ ២២.១១. ២០១៣ /២២.១១.២០២២ happy birthday ក្មួយកម្សត់របស់អ៊ំ។ អ៊ំសុំទោសដែលមើលថែប៉ារបស់ក្មួយមិនបានល្អ អ៊ំសូមជូនពរក្មួយមានសុខភាពល្អ អាយុវែង ជាអ្នកបន្តសិល្បៈពីប៉ា ឲ្យល្បីដូចប៉ាណាក្មួយអ៊ំ។

ជាមួយគ្នានេះ ក៏មានការជូនពរគ្រប់គ្នានាថ្ងៃខួបកំណើតកូនប្រុសពៅរបស់ លោក ខាត់ ចំរើន ផងដែរ ខណៈខ្លះទៀតបានបង្ហាញការអាណិតចំពោះការបាត់បង់លោកឪពុកជាទីស្រលាញ់ទាំងវ័យក្មេង ដោយគ្មានថ្ងៃត្រឡប់វិញឡើយ៕

អត្ថបទ ៖ ចាន់រ៉ា