ហ្វេនភ្ញាក់ផ្អើលខ្លាំង ក្រោយឃើញ Trailer ភាពយន្ត Yaya និង Bright សម្ដែងរួមគ្នាលើកដំបូង

ហ្វេនៗរបស់តារាសម្ដែង Bright Wachirawit និងកំពូលតួឯកស្រី Yaya Urassaya មានការភ្ញាក់ផ្អើលជាខ្លាំង បន្ទាប់ពីឃើញ Trailer ភាពយន្តថ្មីមួយ ​ដែល​អ្នកទាំងពីរបាន​សម្ដែង​រួមគ្នា។

ក្រោយ​ផលិតកម្ម​កម្សាន្ត​ដ៏​ល្បី​នៅ​ប្រទេសថៃ GMMTV បានដាក់​សម្ពោធ​រឿង​ថ្មី​ “The Interest សង​ស្នេហ៍​ក្រៅ​ប្រព័ន្ធ” ដែល​ជា​ខ្សែភាពយន្ត​ឆ្លុះ​បញ្ចាំង​ពី​សង្គម​មួយ​ដែល​កំពុង​តែ​មាន​ភាព​វឹកវរ​។ ក្នុងនោះមានអ្នកគាំទ្រ​ជា​ច្រើន​បាន​សម្ដែង​ក្ដី​រំភើប ​និង​ចង់​ទស្សនា​ឆាប់ៗ​ក្រោយ​ឃើញ Trailer ដ៏​ទាក់ទាញ​ដែល​បង្ហោះពី​ផលិតកម្ម​ធំ​នេះ។

ស្រប​ពេល​ដែល​ភាពយន្ត “The Interest” ​ក៏​ត្រូវ​បាន​គេ​ចាត់​ទុក​ថា​ ជា​ការ​សហការ​គ្នា​ដំបូង​រវាង​ Bright និង Yaya ហើយក៏​ជា​ការ​ចូលរួម​លើក​ដំបូង​របស់ Yaya នៅ​ក្នុង​ផលិតកម្ម GMMTV ផង​ដែរ។ បន្ថែម​ពី​នេះ​ផលិតកម្ម​​ GMMTV​ ក៏រំពឹងដែរថា ​រឿងនេះនឹងរកចំណូលបានយ៉ាងក្រាស់ក្រែលផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តួឯកស្រីរឿង “បងជាព្រះអាទិត្យអូន” បញ្ចេញឈុតវាលខ្នង មិនពាក់អាវទ្រនាប់