ឆន ស្រីណេត សូមទោសអ្នកគាំទ្រ មិនអាចដណ្ដើម​មកុដជូនជាតិ

កញ្ញា ឆន ស្រីណេត ដែលជាបវរកញ្ញាតំណាងកម្ពុជាបានធ្វើដំណើរចាកចេញពីប្រទេសកម្ពុជាឆ្ពោះទៅកាន់ប្រទេសម៉ាឡេសុីហើយកាលពីថ្ងៃព្រហស្បតិ៍ទី១០ខែវិច្ឆិកាឆ្នាំ២០២២ ដើម្បីចូលរួមការប្រកួតលើឆាកអន្តរជាតិក្នុងកម្មវិធី Miss Tourism International 2022។

ដំណើរចេញទៅប្រកួតលើឆាកអន្តរជាតិរបស់បវរកញ្ញាតំណាងកម្ពុជាគឺកញ្ញា ឆន ស្រីណេត សង្កេតឃើញមានការចូលរួមជូនដំណើរផងដែរពីសំណាក់អ្នកគាំទ្រនិងបងប្អូនមិត្តភក្តិនៅឯព្រលានយន្តយន្តហោះភ្នំពេញ។ ក្នុងនោះក៏មានការជូនពរនិងលើកទឹកដល់កញ្ញា ឆន ស្រីណេត ក្នុងការចេញទៅប្រកួតលើឆាកអន្តរជាតិនាពេលនេះផងដែរ។

ឆ្លងកាត់ការប្រកួតដ៏ស្វិតស្វាញ ទីបំផុតនៅយប់ថ្ងៃទី២៥ខែវិច្ឆិកាឆ្នាំ ២០២២ ដែលជាវគ្គផ្ដាច់ព្រ័ត្រនៃកម្មវិធីប្រកួតសម្រស់ Miss Tourism International 2022 ម្ចាស់គ្រងមកុដហើយគឺបានទៅលើនាង Suphatra Kl iangprom មកពីប្រទេសថៃ។

ចំណែកឯអ្នកគាំទ្រវិស័យបវរកញ្ញានៅកម្ពុជា ក៏បានបង្ហាញនូវអារម្មណ៍ចូលរួមសោកស្ដាយចំពោះកញ្ញា ឆន ស្រីណេត ដែលមិនអាចដណ្ដើមបានលទ្ធផលល្អជូនប្រជាជនកម្ពុជាដូចការរំពឹងទុក។ ក្នុងនោះដែរសម្រាប់សាមីខ្លួន ឆន ស្រីណេត ក៏បានពោលពាក្យសូមទោសដោយខ្លីថា «សូមទោសកម្ពុជា ខ្ញុំធ្វើមិនបានល្អអ្នកទេ»។

កញ្ញាឆន ស្រីណេត មុនពេលចាកចេញទៅប្រកួតនៅប្រទេសម៉ាឡេស៊ីក្នុងកម្មវិធី Miss Tourism International 2022 នាងក៏បានបញ្ជាក់យ៉ាងខ្លីងបានត្រៀមខ្លួនរួចរាល់សម្រាប់ការចេញទៅប្រកួតលើកនេះ។ យ៉ាងណាមិញ ស្រី​ណេត ជានារីមួយរូបដ៏លេចធ្លោក្នុងចិត្តមហាជនគ្រប់មជ្ឈដ្ឋាន ខណ:ដែលបវរកញ្ញាពោរពេញដោយសមត្ថ ភាពឆ្លាតវ័យនិងរូបសម្រស់ស្រស់ស្អាត៕

អត្ថបទ៖ ចាន់រ៉ា