ជីវិតកម្សាន្ដ

តួលោកតា ០០១ ក្នុងរឿង “Squid Games” ត្រូវចាប់ខ្លួនពីបទបៀតបៀនផ្លូវភេទ

បានផុស

២ years មុន

នៅ

ថ្ងៃសៅរ៍ ២៦ វិច្ឆិកា ២០២២

ដោយ

យោងទៅតាមមន្ត្រីតុលាការបានប្រកាស នៅថ្ងៃទី២៥ ខែវិច្ឆិកានេះ បានឱ្យដឹងថា តារាសម្តែងជើងចាស់ O Yeong-su ឬតួលោកតា ០០១ ក្នុងរឿង “Squid Games” ត្រូវបានចោទប្រកាន់ពី បទរំលោភបំពានផ្លូវភេទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានសេចក្តីរាយការណ៍ថា តារាសម្តែង O Yeong-su ដែលបច្ចុប្បន្ននេះមានអាយុ ៧៨ ឆ្នាំ ធ្លាប់ ត្រូវបានចោទប្រកាន់ថា បានប៉ះនារីម្នាក់ដោយកាយវិការមិនសមរម្យកាលពីឆ្នាំ ២០១៧។ ទោះបីជា លោកបានបដិសេធរាល់ការចោទប្រកាន់ដែលធ្វើឡើងប្រឆាំងនឹងលោកក៏ដោយ ប៉ុន្តែលោកតា O Yeong-su ត្រូវបានប៉ូលីសឃុំខ្លួនផងដែរ។

ការចោទប្រកាន់នេះបានធ្វើឡើងកាលពីថ្ងៃទី២៤ ខែវិច្ឆិកានេះ ដោយរដ្ឋអាជ្ញានៅទីក្រុង Suwon បានបង្ហាញថាលោកតា O Yeong-su បានប៉ះរាងកាយរបស់ស្ត្រីមិនសមរម្យ កាលពីពាក់កណ្តាលឆ្នាំ ២០១៧។

យ៉ាងណាមិញ សំណុំរឿងក្តីនេះបានកើតឡើងតាំងពីខែធ្នូ ឆ្នាំមុន នៅពេលជនរងគ្រោះបានដាក់ពាក្យបណ្តឹងប្រឆាំងនឹងតារាសម្តែង O Yeong-su ទៅកាន់ប៉ូលិស។ បន្ទាប់មក ប៉ូលីសបានបិទសំណុំរឿងនេះកាលពី ខែមេសា ដោយមិនដាក់បន្ទុកលើតារាសម្ដែងនោះទេ។ ប៉ុន្តែនៅពេលថ្មីនេះ ព្រះរាជអាជ្ញាបានបើកការស៊ើបអង្កេតឡើងវិញតាមសំណើរបស់ជនរងគ្រោះ និងបានចោទប្រកាន់លោកពីបទរំលោភបំពានផ្លូវភេទ។

ប្រែសម្រួល៖ នាងតូច

ចុចអាន៖Kris Wu អតីតសមាជិកក្រុម EXO ត្រូវតុលាការសម្រេចឲ្យជាប់ពន្ធនាគារ ១៣ ឆ្នាំ