ជីវិតកម្សាន្ដ

បញ្ជូនយុវតី និងយុវជនគថ្លង់ ២ រូប តំណាងកម្ពុជា ចេញទៅប្រកួតបវរកញ្ញា និងបុរសសង្ហាគថ្លង់ នៅថៃ

បានផុស

២ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

ទស្សនិកជន និងអ្នកនិយមតាមដានវិស័យបវរកញ្ញានៅកម្ពុជា បានបង្ហាញការចាប់អារម្មណ៍គ្រប់គ្នា ក្រោយមានដំណឹងថា កម្ពុជា បញ្ជូនបេក្ខភាពបវរកញ្ញា និងបុរសឯកគថ្លង់ចំនួន ២ រូប ចេញទៅចូលប្រកួតក្នុងកម្មវិធី MISS & MISTER DEAF UNIVERSUM 2022 នៅឯប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីលោក ម៉ែន និមលរ័ត្ន អ្នកគ្រប់គ្រងស្ថាប័ន Miss Universe Cambodia បានឲ្យដឹងថា ថ្ងៃចេញដំណើររបស់កញ្ញា ម៉ម សុភ័គ្រ (Sopheak morm) និង លោក សុខឃាង ហេង (Sonkgeng Heng) ជាយុវតី និងយុវជនគថ្លង់តំណាងឲ្យកម្ពុជា កំពុងហោះហើរចាកចេញពីប្រទេសកម្ពុជា ទៅចូលរួមប្រកួតបវរកញ្ញា និងបុរសសង្ហាគថ្លង់ ២០២២ នៅប្រទេសថៃ។

លោកបន្តថា កម្មវិធីប្រកួតនេះ នឹងធ្វើឡើងចាប់ពីថ្ងៃទី ២៧ ខែវិច្ឆិកា ដល់ថ្ងៃទី ០៥ ខែធ្នូ ឆ្នាំ ២០២២។ ជូនពរអ្នកទាំងពីរមានការហោះហើរដ៏សុវត្ថិភាព និងទទួលបានជោគជ័យ។ សូមចូលរួមលើកទឹកចិត្តដល់គាត់ទាំងពីរផង។ តាមរយៈការចេញដំណើរនេះគឺមានអ្នកគាំទ្រជាច្រើន បានបង្ហាញការលើកទឹកចិត្ត និងជូនពរដល់អ្នកទាំងពីរគ្រប់គ្នា។

បន្ថែមពីនេះ លោក ម៉ែន និមលរ័ត្ន បានបញ្ជាក់ដែរថា ពេលនេះកញ្ញា ម៉ម សុភ័គ្រ Sopheak morm និងលោក សុខឃាង ហេង Sonkgeng Heng ជាយុវតី និងយុវជនគថ្លង់តំណាងកម្ពុជាចូលរួមប្រកួតបវរកញ្ញា និងបុរសសង្ហាគថ្លង់ ២០២២ នៅប្រទេសថៃ បានទទួលឆៀងតំណាងឲ្យកម្ពុជាជាផ្លូវការហើយ៕

អត្ថបទ ៖ ចាន់រ៉ា