ជីវិតកម្សាន្ដ

យក់ ឋិតរដ្ឋា ទម្លាយចរិត សឿ សុធារ៉ា និងស្នើសុំចិត្តមហាជន កុំសើចយំឲ្យនាងអី

បានផុស

២ years មុន

នៅ

ថ្ងៃអង្គារ ២៩ វិច្ឆិកា ២០២២

ដោយ

តារាចម្រៀងអ្នកនាង យក់ ឋិតរដ្ឋា ដែលជារៀមច្បងនៅលើវិថីសិល្បៈដូចគ្នាបានចេញមុខមកទម្លាយបើកកកាយពីអត្តចរិតរបស់តារាសម្ដែងអ្នកនាង សឿ សុធារ៉ា គ្រាធ្លាប់រួមការងារអំឡុងជាង ១០ ឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមកទម្លាយពីសំណាក់តារាស្រីអ្នកនាង យក់ ឋិតរដ្ឋា នេះ បន្ទាប់ពីមួយរយៈចុងក្រោយ សង្កេតឃើញស្ថានភាពផ្លូវចិត្ត សឿ សុធារ៉ា បានជួបរឿងរ៉ាវចាក់ស្រេះជាច្រើន រហូតធ្វើឲ្យកើតមានវិបត្តិផ្លូវចិត្តកាន់តែធ្ងន់ធ្ងរ។ ប៉ុន្តែអ្វីដែល សុធារ៉ា កំពុងជួបបញ្ហានេះដែរ ក៏មានជនមួយចំនួនមិនត្រឹមមិនជួយលើកទឹកចិត្តនាងទេ ថែមទាំងស្ដីបន្ទោស ឬសើចយំចំអកឲ្យទៀត។

ដោយសារតែសង្កេតឃើញបែបនេះទើបអ្នកនាង យក់ ឋិតរដ្ឋា បានចេញមកនិយាយយ៉ាងនេះទៅ កាន់មហាជន។ យក់ ឋិតរដ្ឋា បានរៀបរាប់ថា ក្ដីស្រលាញ់ ក្ដីអាណិត វាមិនមែនស្ថិតលើទាល់តែចាំបាច់ផុសឲ្យគេដឹងថាយើងស្រលាញ់អាណិតគាត់ទេ សម្រាប់ខ្ញុំ ធារ៉ា គឺគាត់ជាប្អូនស្រីដ៏ល្អសុភាពរាបសារម្នាក់ ដែលខ្ញុំធ្លាប់បានធ្វើការងារជាមួយគាត់កាលពីជាង ១០ ឆ្នាំមុនមកម្ល៉េះ។

តារាចម្រៀងចាស់វស្សារូបនេះបាននិយាយទៀតថា “ខ្ញុំគិតថា មនុស្សគ្រប់គ្នាគេមិនប្រាថ្នារឿងបាក់បែកព្រាត់ប្រាសគ្នានោះទេ តែអ្វីៗគឺជាវាសនា កុំសើចយំគាត់អី ជីវិតយើងម្នាក់ៗពិតជាមើលមិនឃើញទេ”។

ក្នុងនោះដែរ ក៏មានការលើកឡើងដែរថា បើលោកអ្នកទៅសួរសុខទុក្ខប្អូនស្រី សុធារ៉ា ព្រោះស្រលាញ់អាណិត សុំចិត្ត កុំផុសឡាយសួរដេញដោលគាត់អី បើជួយគាត់ សូមជួយដោយចិត្តស្មោះបរិសុទ្ធផង។ មានដឹងទេថា គាត់កំពុងមានទុក្ខ(កាន់ទុក្ខ)៕

អត្ថបទ ៖ ចាន់រ៉ា