ជីវិតកម្សាន្ដ

សុខ ស្រីម៉ុច ក្រោយបរាជ័យរឿងស្នេហា ប្រកាសស្រវាយកការងារសិល្បៈជាសំខាន់

បានផុស

៤ years មុន

នៅ

ថ្ងៃពុធ ៦ មករា ២០២១

ដោយ

តារាសម្តែង និងចម្រៀង កញ្ញា សុខ ស្រីម៉ុច ថ្លែងប្រាប់ក្នុងជំនួបជាមួយសារព័ត៌មានកម្ពុជាថ្មី កាលពីពេលកន្លងទៅនេះដោយបានអះអាងថា ក្រោយពេលជួបបញ្ហា នៃវិបត្តិរឿងរ៉ាវជីវិតបរាជ័យស្នេហារួចមក ទើបធ្វើឲ្យខ្លួនដឹងថា ស្នេហាគឺគ្មានអ្វីសំខាន់ជាងការងារឡើយ។

កញ្ញា សុខ ស្រីម៉ុច បានរៀបរាប់ឲ្យដឹងថា ផ្លូវជីវិតដែលនាងកំពុងជ្រើសរើសប្រើសព្វថ្ងៃ គឺគ្មានអ្វីសំខាន់ជាងការងារខំប្រឹងរកលុយដោយខ្លួនឯងនោះទេ។ ម្យ៉ាងទៀតពេលនេះ នាងបានសន្យាហើយតាំងចិត្តខ្លួនឯងថា ត្រូវតែសម្រេចឲ្យបាននូវគោលដៅសម្រាប់ជីវិតទាំងការងារលើវិស័យសិល្បៈនិងអាជីពផ្ទាល់ខ្លួនខាងក្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែង សុខ ស្រីម៉ុច បាននិយាយទៀតថា តែងតែប្រាប់ខ្លួនឯងថា ត្រូវរឹងមាំហើយមិនត្រូវចុះចាញ់ ឬរាថយពេលដែលកំពុងជួបប្រះឧបសគ្គនោះទេ។ នាងថា ឆ្អែតហើយចំពោះរឿងស្នេហា ទើបសន្យាថា មិនគិតទៀតឡើយ ហើយអ្វីដែលសំខាន់ គឺពង្រឹងសមត្ថភាពជាមួយការងារនាពេលបច្ចុប្បន្ន។

ទាក់ទងលើអាជីពសិល្បៈសព្វថ្ងៃ ត្រូវបានតារាស្រី សុខ ស្រីម៉ុច បានបញ្ជាក់ថា ចាប់តាំងពីកើតមានជំងឺកូវីដ-១៩សម្រាប់ការចេញសម្តែង និងច្រៀង ហាក់មានភាពរយាលជាងមុន ខណៈកម្មវិធីមួយចំនួនត្រូវបានលើកពេល ឬលុបចោល ដើម្បីចូលរួមអនុវត្តតាមវិធានការណែនាំរបស់ក្រសួងសុខាភិបាល ក្នុងការទប់ស្កាត់ការឆ្លងរីករាលដាល នៃជំងឺ ដ៏កាយសាហាវមួយនេះ។