ជីវិតកម្សាន្ដ

រឿន ណាត ៖ ខ្ញុំមិនខ្វល់នរណានិយាយមិនល្អពីខ្ញុំទេ សំខាន់ខ្ញុំស្គាល់ខ្លួនឯងច្បាស់

បានផុស

២ years មុន

នៅ

ថ្ងៃអង្គារ ២៩ វិច្ឆិកា ២០២២

ដោយ

ប្រាកដណាស់បវរកញ្ញាឯកចក្រវាលកម្ពុជាឆ្នាំ ២០១៨ កញ្ញា រឿន ណាត បច្ចុប្បន្នត្រូវបានអ្នកគាំទ្រសង្កេតឃើញទាំងជីវិតរស់នៅបែបឯកជនខាងក្រៅ និងក្នុងវិថីសិល្បៈ នាងហាក់មានភាពលេចធ្លោ ហើយជោគជ័យព្រមគ្នាតែម្ដង។ កត្តានេះហើយ ទើបជំរុញឲ្យអ្នកគាំទ្រតែងលួចសរសើរបវរកញ្ញារូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ ស្រីស្អាត រឿន ណាត កន្លងមកធ្លាប់បញ្ចេញប្រាប់នូវអារម្មណ៍ផ្ទាល់ខ្លួនដែលធ្វើឲ្យជីវិតរបស់នាងកំពុងរកឃើញក្ដីសុខពិតប្រាកដ។

ដោយឡែកថ្មីៗនេះ រឿន ណាត ស្រាប់តែបង្ហាញអារម្មណ៍ហាក់មិនសប្បាយចិត្ត ដោយលើកឡើងថា ខ្ញុំមិនខ្វល់នរណានិយាយមិនល្អពីខ្ញុំទេ តែសំខាន់ខ្ញុំស្គាល់ខ្លួនឯងច្បាស់។

ខ្លឹមសារដែលកញ្ញា រឿន ណាត ទម្លាយនោះបានលើកឡើងថា «ខ្ញុំមិនខ្វល់ពីនរណានិយាយមិនល្អពីខ្ញុំ ព្រោះមានតែខ្ញុំទេ ដែលស្គាល់ពីខ្លួនឯងច្បាស់។ ខ្ញុំកើតមកមិនមែនសម្រាប់ផ្គាប់ចិត្តអ្នកណាទាំងអស់! ខ្ញុំរស់នៅជាមួយអ្វីដែលជាការពិត និងរស់នៅសម្រាប់តែមនុស្សដែលស្គាល់ពីតម្លៃរបស់ខ្ញុំច្បាស់ ហើយកន្លែងណាមិនឲ្យតម្លៃខ្ញុំ ខ្ញុំដើរចេញហើយ»។

សូមជម្រាបដែរថា តារាស្រីកញ្ញា រឿន ណាត មួយរយៈនេះ នាងហាក់លេចធ្លោខ្លាំងលើរូបសម្ផស្សដ៏ស្រស់សោភា។ មិនតែប៉ុណ្ណោះ ជារឿយៗ បវរកញ្ញារូបនេះ ក៏ផ្ដើមក្លាហានហ៊ានទម្លាយនូវរូបភាពសិចស៊ីរាងស្រឡូន សម្ញែងភ្នែកមហាជនឲ្យចាប់អារម្មណ៍លើនាងគ្រប់គ្នាផងដែរ៕

អត្ថបទ ៖ ចាន់រ៉ា