ជីវិតកម្សាន្ដ

លេចឮខ្សែប្រយុទ្ធលេខ ៩ Cho Gue-sung មានទំនាក់ទំនងស្នេហាជាមួយតារាម៉ូដែលម្នាក់

បានផុស

២ years មុន

នៅ

ថ្ងៃសុក្រ ២ ធ្នូ ២០២២

ដោយ

កីឡាករបាល់ទាត់លេខ៩ Cho Gue Sung ត្រូវបានប្រព័ន្ធផ្សព្វផ្សាយរាយការណ៍កំពុងមានទំនាក់ទំនងស្នេហាជាមួយតារាម៉ូដែល Ji Min Joo ប៉ុន្តែក្រុមហ៊ុនគ្រប់គ្រងរបស់តារាម៉ូដែលរូបនេះ បានបដិសេធនិងមិនឆ្លើយតប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១ ខែធ្នូ សារព័ត៌មាន Sports Khan បានរាយការណ៍ថា កីឡាករល្បីឈ្មោះជនជាតិកូរ៉េ នៅ World Cup គឺ Cho Gue-sung បានណាត់ជួបតារាម៉ូដែល Ji Min Joo។ ពាក្យចចាមអារ៉ាស្នេហានេះបានទាក់ទាញចំណាប់អារម្មណ៍ជាខ្លាំង នេះបើយោងតាមប្រព័ន្ធផ្សព្វផ្សាយកូរ៉េ អ្នកទាំងពីរតាម ដានគ្នាទៅវិញទៅមកនៅលើបណ្តាញសង្គម ជាពិសេស Ji Min Joo ធ្លាប់បានបង្ហោះរូបថតរបស់ Cho Gue-sung ពាក់ឯកសណ្ឋានលេខ ៩ នៅលើទំព័រផ្ទាល់ខ្លួនរបស់នាងថែមទៀតផង។

ជាមួយគ្នានេះ ក្រុមហ៊ុនគ្រប់គ្រងតារាម៉ូដែលរបស់ Ji Min Joo មានការឆ្លើយតបទៅនឹងព័ត៌មានរបស់ប្រព័ន្ធផ្សព្វ ផ្សាយអំពីទំនាក់ទំនងស្នេហាជាមួយកីឡាករ Cho Gue-sung ភ្នាក់ងាររបស់ Ji Min Joo បាននិយាយថាខ្លួនមិនអាចផ្តល់ចម្លើយ បានទេព្រោះនេះជារឿងឯកជន។

យ៉ាងណាមិញ Cho Gue-sung ជាសមាជិកនៃក្រុមជម្រើសជាតិកូរ៉េខាងត្បូងដែលកំពុងលេងនៅ World Cup ឆ្នាំ ២០២២ ខ្សែប្រយុទ្ធវ័យ ២៤ ឆ្នាំត្រូវបានគេស្រឡាញ់ចំពោះទេពកោសល្យនិងរូបរាងល្អរបស់លោក ក្រោយពីលោកបានស៊ុតបញ្ចូលទី ២ គ្រាប់ក្នុងការប្រកួតរវាងក្រុមកូរ៉េនិងហ្គាណា៕

ប្រែសម្រូល៖នាងតូច

ចុចអាន៖Jungkook បង្កើតកំណត់ត្រាថ្មី បន្ទាប់ពីសម្តែងនៅ World Cup 2022