Bella តារាស្រីថៃម្នាក់គត់ ដែលបង្ហាញខ្លួនលើកម្រាលព្រំក្រហម នៅ​អារ៉ាប៊ីសាអូឌីត

ពីមួយថ្ងៃទៅមួយថ្ងៃ បន្ទាប់ពីបែកបាក់ស្នេហ៍ តារាសម្ដែង Bella Ranee កាន់តែត្រូវប៉ាន់ជាមួយការថតផ្សាយពាណិជ្ជកម្មទាំងក្នុងប្រទេស និងអន្តរជាតិ ខណៈពេលថ្មីៗនេះនាងបានបង្ហាញវត្តមានតំណាងម៉ាកយីហោល្បីមួយ លើកម្រាលព្រំក្រហមនៃមហោស្រពភាពយន្ត នៅអារ៉ាប៊ីសាអូឌីត ធ្វើឱ្យហ្វេនៗសរសើរសម្រស់មិនដាច់ពីមាត់។

តួឯកស្រីរឿង បុព្វេសន្និវាសរូបនេះ បានក្លាយជាតារាស្រីថៃម្នាក់គត់ ដែលតំណាងព្រះរាជាណាចក្រថៃ ​ត្រូវបានផ្ដល់​កិត្តិយស​ឱ្យអញ្ជើញចូលរួម​លើ​កម្រាល​ព្រំ​ក្រហម​នៃ​មហោស្រព​ភាពយន្ត​ដ៏​ល្បី RED SEA INTERNATIONAL FILM FESTIVAL 2022 (Red Sea Film) នៅ​ទីក្រុង Jeddah ប្រទេស​អារ៉ាប៊ីសាអូឌីត។

ក្រោយបង្ហាញខ្លួនក្នុងកម្មវិធីដ៏ធំមួយនេះរួចមក មហាជនសង្កេតឃើញថា សម្រស់ Bella កាន់តែស្អាតប្លែក ស្របពេលដែលកេរ្តិ៍ឈ្មោះរបស់នាងកាន់តែល្បីល្បាញជាអន្តរជាតិ។ ក្រៅពីវត្តមានរបស់ Bella កម្មវិធី Red Sea Film ក៏មានការចូលរួមពីតារាល្បីៗលំដាប់ពិភពលោកដូចជា អតីតបវរកញ្ញាពិភពលោក Priyanka choapra ​តារាសម្ដែងកូរ៉េ Park Hae Soo តួប្រុសរឿង Squid Game និងតារាល្បីៗជាច្រើនរូបទៀត៕

ប្រែសម្រួល៖ សន្យា

ចុចអាន៖ ស្ថានភាព Pinky ក្រោយចេញពីមន្ទីរឃុំឃាំង ថ្ងៃដំបូង

ចុចអាន៖ Aum Patchrapa កំពុងរកមេធាវី ត្រៀមប្ដឹងក្រុមហ៊ុនល្បីមួយ