ជីវិតកម្សាន្ដ

អ្នកនាង សេង សុខឃីម សម្រេចដាក់ពាក្យបណ្ដឹងអ្នកដែលជេរប្រមាថ

បានផុស

២ years មុន

នៅ

ថ្ងៃសុក្រ ២ ធ្នូ ២០២២

ដោយ

ដូចអ្វីដែលបានប្រកាសមុននេះ ទីបំផុតអ្នកមេម៉ាយរូបស្រស់ជាអតីតសង្សារនាយ ចឺម គឺអ្នកនាង សេង សុខឃីម សម្រេចដាក់ពាក្យបណ្ដឹងចំពោះអ្នកជេរប្រមាថលើរូបនាងនៅលើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចដាក់ពាក្យបណ្ដឹងតាមផ្លូវច្បាប់នេះ ដោយសារសាមីខ្លួន អ្នកនាង សេង សុខឃីម អះអាងខ្លួនមិនអាចទទួលយកបានទេនូវពាក្យសម្ដីជេរប្រមាថធ្ងន់ៗមករូបនាងពេលនេះ។

សំណេរភ្ជាប់រូបភាពមួយសន្លឹកត្រូវបាន សេង សុខឃីម លើកឡើងថា «ខ្ញុំអត់ចេះជេរសងទេ តែខ្ញុំចូលចិត្តធ្វើតាមច្បាប់ រឿងជេរដល់ម៉ែខ្ញុំទាំងអត់ដឹងរឿងអីសោះ ហើយអត់ដឹងខុសទៀត និយាយជាមួយខ្ញុំផ្សេង និយាយជាមួយគេផ្សេង តាមអត់ទាន់»។

អ្នកនាង សេង សុខឃីម បន្តថា សម្ដេចពុក និងជំទាវម៉ែ ហ៊ុន ស៊ីណាត ប្រដៅកូនចៅខ្មែរថា ប្រទេសមានច្បាប់ គ្រួសារមានវិន័យ ធ្វើជាតារា (idol) ត្រូវធ្វើជាគំរូល្អនាំបទពិសោធថ្មីៗ ល្អៗចែករំលែកដល់អ្នកគាំទ្រ។ នរណាពូកែនិយាយអុចអាលគេ ជេរគេអី មើលវីដេអូនេះទៅថាជេរគេហើយ គេអត់ជេរត មែនគេស្លូតមិនដឹងអីទេ តែគេចង់ឲ្យអ្នករៀននិយាយសាជាថ្មី។

បន្ថែមពីនេះ អ្នកមេម៉ាយកូនមួយដែលជាអតីតសង្សារ នាយ ចឺម បានលើកឡើងដោយខ្លីទៀតថា ត្រូវរៀនគិតមុននិយាយ មិនមែនខុសហើយគ្រាន់តែសុំទោស ហើយក៏ចប់រឿងទេ វប្បធម៌ចេះសុំទោសសម្រាប់អ្នកដែលខុសហើយចេះកែ៕

អត្ថបទ ៖ ចាន់រ៉ា