ជីវិតកម្សាន្ដ

ថ្ងៃប្រឡងបាក់ឌុប! សុវត្ថិឌី ធារីកា ជូនពរប្អូនប្រុស និងបេក្ខជនទាំងអស់ ឲ្យទទួលជោគជ័យ

បានផុស

២ years មុន

នៅ

ថ្ងៃចន្ទ ៥ ធ្នូ ២០២២

ដោយ

តារាចម្រៀងវ័យក្មេងកញ្ញា សុវត្ថិឌី ធារីកា នាឱកាសថ្ងៃប្រឡងបាក់ឌុបឆ្នាំ ២០២២ នេះ បានចេញសារជូនពរ និងលើកទឹកចិត្តដល់ប្អូនប្រុស ខណៈអ្នកមានគុណទាំងពីរ ចែកឋានទៅហើយ។ ក្នុងនោះ សុវត្ថិឌី ធារីកា ក៏បានជូនពរ និងលើកទឹកចិត្តដល់បេក្ខជនទាំងអស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដែលកញ្ញា សុវត្ថិឌី ធារីកា លើកឡើងបាននិយាយដូច្នេះថា មុនពេលប្រឡងទុតិយភូមិ(បាក់ឌុប) នាថ្ងៃស្អែក(០៥ខែធ្នូ) ប្អូនប្រុសឆ្លៀតធ្វើអង្គរក្សជូនបងស្រីមកច្រៀងសិន។ ឆ្នាំនេះមិនដូចឆ្នាំមុន ព្រោះយើងមិនមានប៉ាម៉ាក់ងើបពីព្រលឹមជូនដំណើរ និងលើកទឹកចិត្តដូចមុនទេ។ តែសូមឲ្យ ដូដូ ប្រឹងតស៊ូប្រឡងឲ្យជាប់ ដើម្បីឲ្យលោកទាំងពីរសប្បាយចិត្ត ជីវិតគឺបែបនេះ វាហាក់បីដូចទឹករលកមែន តែកុំឲ្យរលកមកប៉ះយើងឲ្យដួលតាមទឹក។

តារាចម្រៀងកញ្ញា សុវត្ថិឌី ធារីកា បាននិយាយបន្ថែមទៀតថា សូមជូនពរប្អូនប្រុសជោគជ័យក្នុងការប្រឡងសញ្ញាប័ត្រទុតិយភូមិនេះបានលទ្ធផលជោគជ័យ រួមទាំងប្អូនៗសិស្សានុសិស្សទាំងអស់ ត្រូវតស៊ូ ខំប្រឹងប្រែង កុំភ័យ និងកុំស្លុតពេលប្រលង។ ដូដូ សូមអរគុណអ៊ំពូមីងបងៗ ដែលបានជូនពរគាត់។

ជាមួយគ្នានេះ ក៏មានការផ្ញើសារលើកទឹកចិត្ត និងជូនពរពីសំណាក់អ្នកគាំទ្រតារាស្រីកញ្ញា សុវត្ថិឌី ធារីកា ផងដែរ។ ខណៈមានខ្លះទៀត បានលើកសរសើរថា នៅតែពីរនាក់បងប្អូន ចេះស្រឡាញ់គ្នាណាប្អូន បងឃើញប្អូនចេះស្រឡាញ់គ្នា បងរំភើបណាស់ ព្រោះអីបងមានតែពីរនាក់បងប្អូនដែរ តែឥឡូវប្អូនប្រុសបងបានស្លាប់ទៅចោលបងទៀតហើយ៕

អត្ថបទ ៖ ចាន់រ៉ា