ជីវិតកម្សាន្ដ

សឿ សុធារ៉ា ត្អូញត្អែរថាគ្មានស្នេហាស្មោះនិងភាពកក់ក្តៅ

បានផុស

៣ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ជាថ្មីម្តងទៀតតារាសម្តែងពូកែសម្រក់ទឹកភ្នែកអ្នកនាងសឿ សុធារ៉ា ពេលនេះកាន់តែធ្វើឲ្យមហាជនកើតមានមន្ទិលសង្ស័យគ្រប់គ្នា ស្របពេលមួយរយៈចុងក្រោយនេះ នាងតែងតែរៀបរាប់បញ្ចេញសារប្លែកៗហាក់មានអារម្មណ៍មិនសប្បាយចិត្តប្រៀបដូចកំពុងជួបវិបត្តិផ្លូវចិត្ត ឬបែកបាក់ស្នេហាជាមួយស្វាមីលោក សាពូន មីដាដា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែហេតុផលមួយចំនួនដែលត្រូវបានអ្នកនាង សឿ សុធារ៉ា បានបង្ហាញឡើងនេះហើយទើបបច្ចុប្បន្នចម្ងល់ទាំងនោះ ធ្វើឲ្យមានការចាប់អារម្មណ៍ និងរង់ចាំមើលការចេញមុខបកស្រាយពីសំណាក់តារាសម្តែងស្រីអ្នកនាង សឿ សុធារ៉ា និងស្វាមីលោក សាពូន មីដាដា ថាសាច់រឿងនេះ នឹងប្រែក្លាយទៅជាយ៉ាងណា? ដោយហេតុថា កន្លងមក គូស្នេហ៍នេះ តែងតែបង្ហាញពីភាពផ្អែមល្ហែម និងស្និទ្ធស្នាលគ្នាខ្លាំងគួរឲ្យសរសើរបំផុត។

យ៉ាងណាមិញខណៈដែលមន្ទិលមួយចំនួនមិនទាន់ត្រូវបានស្រាយបំភ្លឺផង ក៏ស្រាប់តែថ្មីៗនេះ តារាស្រីអ្នកនាង សឿ សុធារ៉ា បានថ្លែងរៀបរាប់ដោយមានខ្លឹមសារបង្ហាញពីការមិនសប្បាយចិត្តប្រៀបដូចជាមនុស្សដែលកំពុងមានវិបត្តិផ្លូវចិត្តដែលហ៊ុំចាក់ស្រេះព័ទ្ធជុំវិញខ្លួនទៅវិញ។

ជាក់ស្តែងអ្នកនាង សឿ សុធារ៉ា បានរៀបរាប់កាលពីថ្មីៗនេះថា អស់មានអ្នកស្រលាញ់ គ្មានស្នេហាស្មោះ គ្មានភាពកក់ក្តៅ មានតែការឈឺចាប់……ជីវិតហាក់គ្មានន័យ យល់តែសោកា Why?។

តាមរយៈសំណេរលើកឡើងរបស់អ្នកនាង សឿ សុធារ៉ា នេះ បានធ្វើឲ្យទស្សនិកជន និងអ្នកគាំទ្រមួយចំនួនបញ្ចេញជាចម្ងល់ហើយផ្ញើសារសួរនាំគ្រប់គ្នា ប៉ុន្តែជាចម្លើយមិនត្រូវបានតារាស្រីរូបនេះ បញ្ជាក់ប្រាប់នៅឡើយទេ។

កម្ពុជាថ្មី កាលពីព្រឹកថ្ងៃទី០៦ ខែមករា ឆ្នាំ២០២១នេះ មិនទាន់អាចស្វែងរកការបកស្រាយពីតារាសម្តែងអ្នកនាង សឿ សុធារ៉ា បាននៅឡើយទេ ៕

អត្ថបទ ៖ ចាន់រ៉ា