ជីវិតកម្សាន្ដ

សូមចូលរួមរំលែកទុក្ខ! ឈិន ម៉ានិច្ច ជួបទុក្ខធំឪពុកជាទីស្រលាញ់ទទួលមរណភាព

បានផុស

២ years មុន

នៅ

ថ្ងៃសុក្រ ៩ ធ្នូ ២០២២

ដោយ

តារាចម្រៀងវ័យក្មេងកញ្ញា ឈិន ម៉ានិច្ច និងក្រុមគ្រួសារ ពេលនេះកំពុងជួបទុក្ខដ៏ក្រៀមក្រំ និងសោកសៅជាទីបំផុត ខណៈលោកឪពុកជាទីស្រលាញ់របស់នាង បានទទួលមរណភាពទាំងអាល័យ ដោយគ្មានថ្ងៃវិលត្រឡប់វិញឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅលើគណនីហ្វេសប៊ុករបស់តារាចម្រៀងកញ្ញា ឈិន ម៉ានិច្ច កាលពីល្ងាចថ្ងៃទី ០៨ ខែធ្នូ ឆ្នាំ ២០២២ បានផ្លាស់ប្ដូរប្រូហ្វាល់បង្ហាញពីការកាន់ទុក្ខលោកឪពុកជាទីស្រលាញ់ដោយភ្ជាប់ជាមួយនឹងសាររៀបរាប់ដ៏សោកសៅយ៉ាងពន់ពេកដូច្នេះថា «ប៉ា កូនទៅផ្ទះយើងវិញហើយ»។

ចំពោះដំណឹង នៃមរណទុក្ខដ៏ក្រៀមក្រំនេះ បានធ្វើឲ្យមហាជន និងអ្នកសិល្បៈរួមអាជីពជាច្រើន សម្ដែងការចូលរួមសោកស្ដាយ និងរំលែកទុក្ខដ៏សោកសៅនេះជាមួយកញ្ញា ឈិន ម៉ានិច្ច និង ក្រុមគ្រួសារ។ យ៉ាងណាមិញតារាស្រី ឈិន ម៉ានិច្ច មិនបានបញ្ជាក់ថា លោកឪពុករបស់នាងទទួលមរណភាពដោយសារជំងឺអ្វីឡើយ៕

អត្ថបទ ៖ ចាន់រ៉ា