នាយ ចឺម ទម្លាយរូបថត Prewedding ក្រោយប្រកាសថា ២ឆ្នាំទៀតម្តាយឲ្យការប្រពន្ធ

តារាចម្រៀងវ័យក្មេងដែលត្រូវបានអ្នកគាំទ្រមួយចំនួនចាត់ទុកថាជាបុរសព្រាន គឺនាយ ចឺម កាលពីថ្មីៗនេះបានប្រកាសដំណឹងយ៉ាងភ្ញាក់ផ្អើលដោយបានបញ្ជាក់ថា អំឡុងពេល២ឆ្នាំទៀតម្តាយឲ្យរៀបការប្រពន្ធនោះពេលនេះក៏ស្រាប់តែទម្លាយ​រូបថត​ Prewedding ជាមួយនារីស្រស់ស្អាតម្នាក់បង្កការភ្ញាក់ផ្អើលជាថ្មី។

រូបភាពដែលត្រូវបានតារាចម្រៀងនាយ ចឺម បង្ហោះនៅលើទំព័រហ្វេសប៊ុកផ្ទាល់ខ្លួននោះមិនត្រឹមតែធ្វើឲ្យមានការចាប់អារម្មណ៍នោះទេក៏មានការលើកឡើងថា ពេលនេះនាយ ចឺម ហាក់កំពុងបង្ហាញតម្រុយកាន់តែច្បាស់អំពីរឿងរៀបការប្រពន្ធ ខណ:កន្លងមកតារប្រុសរូបនេះបានបរាជ័យស្នេហាចំនួន៤ដងរួចមកហើយ។ បញ្ហានេះក៏មានការរិះគន់ខ្លះៗពីមហាជនថា នាយ ចឺម ជាតារាសម្បូរស្រីច្រើនដែលមិនដឹងច្បាស់មួយណាឲ្យប្រាកដទេ។

យ៉ាងណាមិញទើបតែប្រកាសខ្លឹមសារថា «អ្នកម្តាយខ្ញុំគាត់និយាយប្រាប់ថា២ឆ្នាំទៀតគាត់ឲ្យខ្ញុំយកប្រពន្ធហើយបងប្អូន» នេះមិនទាន់បានប៉ុន្មានផងស្រាប់តែមុននេះនាយ ចឺម បានបង្ហោះរូបភាព Preweddingជាមួយនារីម្នាក់ដោយលើកឡើងថា « ដំណឹងល្អឆាប់ៗនេះហើយបាទ ត្រៀមតែលុយចងដៃទៅបងប្អូនទាំងអស់គ្នា»។

បន្ទាប់ពីឃើញតារាប្រុសនាយ ចឺម បង្ហាញរូបភាព PreWeedingជាមួយនារីរូបស្រស់ខាងលើ និងភ្ជាប់ជាមួយសំណេរដ៏ចាក់ដោតបែបនេះ គឺអ្នកនិយមប្រើប្រាស់បណ្ដាញសង្គម និងអ្នកគាំទ្រមួយចំនួនទៀតបានបង្ហាញការចូលរួមអបអរផងដែរ ។

គួរបញ្ជាក់ថា លោក សុខ មេសា ហៅនាយ ចឺម ដែលជាតារាចម្រៀងវ័យក្មេងសម្លេងបានបើនិយាយពីរឿងស្នេហាគិតមកដល់ពេលនេះលោកបានឆ្លងកាត់ការបែកបាក់សង្សាចំនួន៤នាក់មកហើយដែលនារីទាំងនោះសុទ្ធសឹងតែស្រីស្អាតក្នុងចង្កោមសិល្ប:ដូចគ្នា៕

អត្ថបទ៖ ចាន់រ៉ា