ជីវិតកម្សាន្ដ

ពេជ្រ ថៃ ក្រោយបញ្ចប់ការប្រឡងបាក់ឌុបភ្លាម សម្រុកឡើងឆាកតន្ត្រី

បានផុស

២ years មុន

នៅ

ថ្ងៃសៅរ៍ ១០ ធ្នូ ២០២២

ដោយ

តារាចម្រៀងវ័យក្មេង និងជាម្ចាស់ជយលាភី កម្មវិធីប្រឡង The Voice Kid Cambodia រដូវកាលទី ១ ពេជ្រ ថៃ ថ្មីៗនេះទើបលេចវត្តមានចូលរួមប្រឡងសញ្ញាប័ត្រមធ្យមសិក្សាទុតិយភូមិ ឬការប្រឡងបាក់ឌុប ក្នុងសម័យប្រឡងថ្ងៃទី ០៥ និងទី០៦ ខែធ្នូ ឆ្នាំ ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញវត្តមានប្រឡងបាក់ឌុបពីសំណាក់តារាចម្រៀងមាឌល្អិត ពេជ្រ ថៃ នោះ មិនត្រឹមតែធ្វើឲ្យមហាជនចាប់អារម្មណ៍នោះទេ ថែមទាំងមានការផ្ញើសារលើកទឹកចិត្ត និងជូនពរគ្រប់ៗគ្នាឲ្យតារាវ័យក្មេងរួបនេះ ព្រមទាំងបេក្ខជនដទៃទៀត ទទួលបានជោគជ័យ និងលទ្ធផលល្អដូចគ្នា។

បើចាប់អារម្មណ៍អំឡុងមុនពេលប្រឡងបាក់ឌុបប្រហែល ១ សប្ដាហ៍ ពោលគឺនៅថ្ងៃទី ២៩ ខែវិច្ឆិកា ឆ្នាំ ២០២២ ពេជ្រ ថៃ ក៏បានប្រកាសពីដំណឹង នៃការត្រៀមខ្លួនចូលប្រឡងបាក់ឌុបនេះផងដែរ។

ក្នុងនោះ ពេជ្រ ថៃ ថែមទាំងជូនដំណឹងពីការបដិសេធមិនទទួលរាល់ការហៅតាមបណ្ដាកម្មវិធីមួយចំនួនរហូតដល់ថ្ងៃបញ្ចប់ការប្រឡងបាក់ឌុប។

ជាក់ស្ដែងមិនខុសពីការសន្យានោះទេ ក្រោយបញ្ចប់ការប្រឡងបាក់ឌុបមិនបានប៉ុន្មានថ្ងៃផង ស្រាប់តែ ពេជ្រ ថៃ លេចវត្តមាននៅលើឆាកតន្ត្រីភ្លាម ដែលការបង្ហាញខ្លួននេះ ធ្វើឲ្យអ្នកគាំទ្រជាច្រើនសម្ដែងការស្វាគមន៍យ៉ាងកក់ក្ដៅ។ ដោយសារការគាំទ្រនេះ ត្រូវបាន ពេជ្រ ថៃ បញ្ជាក់ដោយក្ដីរីករាយទៅកាន់អ្នកគាំទ្រថា សូមអរគុណដល់ពុកម៉ែបងប្អូនអ្នកខេត្តសៀមរាប សម្រាប់ការគាំទ្រយ៉ាងច្រើនកុះករ៕

អត្ថបទ ៖ ចាន់រ៉ា