មិនទាន់ប្រកាសផ្លូវការ តែ Naphat និង Baifern បណ្ដើរគ្នាដើរលេងតែពីរនាក់

បន្ទាប់ពីសារភាពស្នេហ៍តាមទូរសព្ទ និងប្រព័ន្ធផ្សព្វផ្សាយជាសាធារណៈ Nine Naphat នៅមិនទាន់ទទួលការឆ្លើយតបជាផ្លូវការពី Baifern Pimchanok នៅឡើយ ស្របពេលដែលខាងស្រីបានត្រឹមងក់ក្បាលយល់ព្រមជាប្រយោលប៉ុណ្ណោះទៅកាន់ខាងប្រុស។

ទោះបីមិនទាន់ប្រកាសចំណងស្នេហ៍ជាផ្លូវការយ៉ាងណាក្ដី ប៉ុន្តែគូស្នេហ៍ក្រៅឆាកទាំងពីរ ត្រូវបានគេប្រទះឃើញនៅតាមដងផ្លូវ បណ្ដើរគ្នាដើរលេងតែពីរនាក់យ៉ាងស្និទ្ធស្នាល និងរីករាយជាទីបំផុត។ ថ្វីត្បិត Naphat និង Baifern បានពាក់មួក ​ពាក់ម៉ាស់ជិតយ៉ាងណា មហាជននៅតែអាចមើលស្គាល់ពួកគេ  ខណៈពួកគេកំពុងកាន់ដៃគ្នាដើរកម្សាន្ត នៅសង្កាត់ដ៏មមាញឹកមួយ ក្នុងប្រទេសថៃ។

បន្ទាប់ពីឆ្មក់បានរូបថតរបស់ Nine Naphat និង Baifern Pimchanok អ្នកគាំទ្រគ្រប់គ្នារឹតតែត្រេកអរជំនួស ត្បិតពេលនេះ ស្នេហាពួកគេមិនមែនជាស្នេហាតែ​ម្ខាងទៀតនោះទេ ​ព្រោះខាងស្រីបានបើកភ្លើងខៀវហើយ ហើយទោះបីជាគូស្នេហ៍មួយគូនេះ មិនព្រមបង្ហោះរូបភាព ឬចែករំលែករឿងរ៉ាវនៅលើបណ្ដាញសង្គមយ៉ាងក៏ដោយ ហ្វេនៗជឿជាក់ថា អ្នកទាំងពីរកំពុងចាប់ផ្ដើមទំនាក់ទំនងស្នេហាពិតប្រាកដ៕

ប្រែសម្រួល៖ សន្យា

ចុចអាន៖ អ្នកចាត់ការផ្ទាល់ខ្លួន​ Baifern ចេញមុខបកស្រាយជុំវិញដីការកោះហៅរបស់ប៉ូលិស