ជីវិតកម្សាន្ដ

Adele ធ្លាប់ធ្វើការព្យាបាលផ្លូវចិត្ត ៥ ដងក្នុងមួយថ្ងៃ បន្ទាប់ពីលែងលះជាមួយជាមួយអតីតស្វាមី

បានផុស

២ years មុន

នៅ

ថ្ងៃអង្គារ ១៣ ធ្នូ ២០២២

ដោយ

ថ្មីៗនេះ កាសែត New York Post បានរាយការណ៍ថា តារាចម្រៀង Adele បានទម្លាយថា នាងបានទទួលការព្យាបាលផ្លូវចិត្តចំនួន ៥ ដងក្នុងមួយថ្ងៃ នៅពេលដែលនាងបានលែងលះជាមួយអតីតស្វាមី Simon Konecki ក្នុងឆ្នាំ ២០១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងពេលកម្មវិធី “Weekend with Adele” តារាចម្រៀងរូបនេះបានចែករំលែកជាមួយទស្សនិកជនថា “បច្ចុប្បន្នខ្ញុំកំពុងចាប់ផ្តើមត្រឡប់ទៅព្យាបាលផ្លូវចិត្តវិញ បន្ទាប់ពីរយៈពីរបីឆ្នាំមុន ក្នុងអំឡុងពេលរៀបចំសម្រាប់ការលែងលះខ្ញុំធ្លាប់ធ្វើការព្យាបាលចំនួន ៥ ដងក្នុងមួយថ្ងៃ” ។

Adele បានបង្ហើបថា ការសម្ដែងនៅក្នុងព្រឹត្តិការណ៍ធំៗធ្វើឲ្យនាងខ្លាច។ ដូច្នេះហើយនាងត្រូវការព្យាបាល ដើម្បីធ្វើឲ្យចិត្តរបស់នាងស្ងប់។ តារាចម្រៀងរូបនេះបានពន្យល់ថា “ខ្ញុំមានអារម្មណ៍ងាយស្រួលណាស់នៅពេលនិពន្ធបទភ្លេង ប៉ុន្តែការសម្ដែងផ្ទាល់ពិតជាធ្វើឲ្យខ្ញុំភ័យខ្លាច»។

តារាចម្រៀងរូបនេះបានបញ្ជាក់ថានាងចាប់ផ្តើមវិលទៅព្យាបាលចិត្តវិញក្នុងការខិតខំបង្ខំខ្លួនឱ្យមានទទួលខុសក៏ដូចជាទំនុកចិត្តទៅលើការនិយាយក្នុងកម្មវិធី “Weekend with Adele” ជារៀងរាល់សប្តាហ៍ដើម្បីធ្វើឱ្យប្រាកដថានាងអាចផ្តល់ការសម្ដែងល្អបំផុតទៅដល់ទស្សនិកជន។

យ៉ាងណាមិញ ទាក់ទងនិងបញ្ហានេះ Adele ធ្លាប់លុបចោលការប្រគុំតន្ត្រីនៅឯ Colosseum នៅក្នុងទីក្រុងLas Vegas ដោយបានបង្ហោះវីដេអូសុំទោសទស្សនិកជន ជាមួយគ្នានេះអ្នកគ្រប់គ្រងរបស់នាងបានពន្យល់ថា តារាចម្រៀងជនជាតិអង់គ្លេសរូបនេះ បានសម្រេចចិត្តលុបចោលកម្មវិធី ដោយសារតែមិនចង់សម្ដែងទេ ខណៈនាងមិនសប្បាយចិត្ត៕

ប្រែសម្រួល៖នាងតូច

ចុចអាន៖អតីតស្វាមីអ្នកស្រី Angelina Jolie មានទំនាក់ទំនងស្នេហាថ្មីអាយុក្មេងជាង ២៦ ឆ្នាំ