ជីវិតកម្សាន្ដ

តារាពហុជំនាញ ខាត់ សុឃីម រក្សាបានចំណងស្នេហាផ្អែមល្ហែម និងរឹងមាំ ក្នុងពេល ១០ ឆ្នាំនេះ

បានផុស

២ years មុន

នៅ

ថ្ងៃអង្គារ ១៣ ធ្នូ ២០២២

ដោយ

ចំណងស្នេហារបស់តារាស្រីអ្នកនាង ខាត់ សុឃីម និងស្វាមីលោក អ៊ិន សុបញ្ញា ហៅ ផាណូ គិតមកទល់ពេលនេះបានចាប់ផ្ដើមឡើងមានរយៈពេល ១០ ឆ្នាំហើយ ខណៈចំណងដៃអាពាហ៍ពិពាហ៍ពួកគេទទួលបានកូនម្នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការកត់សម្គាល់ក្រោយជោគជ័យលើវិស័យសិល្បៈយូរឆ្នាំមកនេះ បើក្រឡេកទៅមើលពីជីវិតគូរបស់តារាស្រីរូបនេះវិញ ក៏មានសុភមង្គលខ្លាំងណាស់ដែរ ខណៈជារឿយៗ អ្នកនាង ខាត់ សុឃីម និងស្វាមី តែងតែបង្ហាញពីក្ដីស្រឡាញ់ និងភាពផ្អែមល្ហែមក្នុងដំណើរកម្សាន្តជាលក្ខណៈគ្រួសារ ដើម្បីឲ្យជីវិតគូកាន់តែមានន័យថែមមួយកម្រិតទៀត។

ដោយឡែកចាប់អារម្មណ៍នៅថ្ងៃគម្រប់ខួប ១០ ឆ្នាំ នៃចំណងអាពាហ៍ពិពាហ៍ ត្រូវបានតារាស្រីពូកែកំប្លុកកំប្លែងអ្នកនាង ខាត់ សុឃីម ទម្លាយពីចំណងក្ដីស្នេហ៍យ៉ាងជ្រាលជ្រៅចំពោះវត្តមានស្វាមីដ៏ល្អរបស់អ្នកនាងនៅក្នុងជីវិត។ អ្នកនាង ខាត់ សុឃីម បានរៀបរាប់ថា ១០ មានប៉ុន្មានដង? ពួកយើងធ្វើបានម្ដងហើយ ពេលវេលាដ៏សែនកក់ក្ដៅ និងមានសេចក្ដីសុខបំផុតសម្រាប់មនុស្សស្រី គឺនៅពេលដែលខ្លួនបានក្លាយទៅជាម្ដាយគេហើយ ថែមទាំងមានដៃគូជីវិតពូកែយល់ចិត្ត និងជួយទុក្ខធុរៈបំផុត ។

តារាស្រីសម្ដីចាក់ទឹកមិនលិច អ្នកនាង ខាត់ សុឃីម ក៏បាននិយាយបន្តទៀតថា លោកប្ដីដែលជះភាពសង្ហារខ្លាំង គឺជាលោកប្ដីដែលមានទំនួលខុសត្រូវខ្ពស់បំផុតក្នុងគ្រួសារ។ happy my anniversary 1 2.12.12 /12.12.22។

គួររម្លឹកថា អ្នកនាង ខាត់ សុឃីម គឺបានសម្រេចចិត្តចូលរោងការតាមប្រពៃណី ជាមួយស្វាមីលោក អ៊ិន សុបញ្ញា ហៅ ផាណូ កាលពីថ្ងៃទី ១២ ខែធ្នូ ឆ្នាំ ២០១២ ដោយគិតមកដល់ពេលនេះមាន រយៈពេល ១០ ឆ្នាំមកហើយ ខណៈចំណងស្នេហាពួកគេនៅតែរក្សាបានភាពផ្អែមល្ហែមគួរឲ្យស្ងើចសរសើរ៕

អត្ថបទ ៖ ចាន់រ៉ា