Kwan ដាក់កំហិតខ្លួនឯង បើ ៦ឆ្នាំទៀតមិនទាន់រៀបការ នាងនឹងទៅបួស

កាលពី ៣ខែមុន តារាសម្ដែង Kwan Usamanee បានបង្ហើបនៅក្នុងកម្មវិធី WOODY FM ថា រយៈពេលប៉ុន្មានឆ្នាំខាងមុខ នាងនឹងដកខ្លួនចេញពីវិស័យកម្សាន្ត ហើយចង់សាង​គ្រួសារតូចមួយ ស្របពេលដែលតារាស្រីរូបនេះ ទើបភ្ជាប់ចំណងស្នេហ៍ជាមួយបុរសក្រៅរង្វង់សិល្បៈ បាន១ឆ្នាំ។

ស្រាប់តែពេលថ្មីៗនេះ នៅក្នុងពិធីសម្ពោធហាងថ្មីរបស់នាង Kwan បានធ្វើឱ្យមហាជនមានការភ្ញាក់ផ្អើលយ៉ាងខ្លាំង ដោយនាងបានដាក់ឱសានវាទខ្លួនឯងនៅក្នុងបទសម្ភាសន៍ថា ប្រសិនរយៈពេល ៥-៦ឆ្នាំទៀត នាងនៅតែមិនទាន់ចូលរោងការនោះទេ នាងនឹងទៅសាងផ្នួសជាដូនជីក្នុងព្រះពុទ្ធសាសនាហើយ។

ថ្វីត្បិតពោលបែបនេះក្ដី ប៉ុន្តែមហាជននៅមិនទាន់ចាត់ទុកវាជាផ្លូវការនៅឡើយ ព្រោះពាក្យសម្ដីនេះមិនដឹងថា Kwan និយាយលេងសើច ឬយ៉ាងណានោះទេ ខណៈមិត្តប្រុសរបស់នាងនៅតែរក្សាភាពស្ងៀមស្ងាត់ ពុំមានដំណឹងសុំរៀបការសូម្បីបន្តិច៕

ប្រែសម្រួល៖ សន្យា

ចុចអាន៖ Janie លេងមួយឈុតនេះ ដល់ថ្នាក់ស្វាមីទប់ចិត្តមិនប្រចណ្ឌមិនបាន

ចុចអាន៖ ក្រោយចប់ពាក្យចចាមអារ៉ាមរឿងស្លាប់ ពេលនេះ Kwan បង្ហើបចង់ឈប់ពីសិល្បៈ