អាល់ប៊ុមរបស់ RM មេក្រុម BTS បំបែកប្រវត្តិសាស្ត្រ នៅលើតារាង Billboard 200

អាល់ប៊ុមថ្មីរបស់ RM មេក្រុម BTS ទើបតែទទួលបានសមិទ្ធផលជាប្រវត្តិសាស្ត្រដោយជាប់ចំណាត់ថ្នាក់លេខ ១៥ នៅលើតារាង Billboard 200 ដែលធ្វើឲ្យលោកក្លាយជាសិល្បករទោលកូរ៉េដំបូងគេ មានអាល់ប៊ុមចំនួន ២ ជាប់ក្នុងតារាងនេះ។

យោងទៅតាមគេហៈទំព័រកម្សន្ត Soompi រាយការណ៍ថា Billboard បានបញ្ជាក់អាល់ប៊ុមទោល “Indigo” របស់ RM ជាប់ចំណាត់ថ្នាក់លេខ ១៥ នៅលើតារាង Top 200 Popular Albums ដែលជា តារាងនៃអាល់ប៊ុមពេញនិយមបំផុតនៅសហរដ្ឋអាមេរិក។

ដូច្នោះហើយអាល់ប៊ុម “Indigo” នៅពេលបច្ចុប្បន្ននេះគឺជាអាល់ប៊ុមទោលដែលមានចំណាត់ថ្នាក់ខ្ពស់បំផុតរបស់ RM នៅលើ Billboard 200 ដោយបានផ្តួលអាល់ប៊ុម “mono” ដែលជាអាល់ប៊ុម ដែលបានចេញផ្សាយក្នុងឆ្នាំ ២០១៨ (ដែលទទួលបានចំណាត់ថ្នាក់លេខ ២៦ ក្នុងតារាងនេះ) ។

ជាមួយគ្នានេះ RM បានក្លាយជាសិល្បករទោលកូរ៉េដំបូងគេក្នុងប្រវត្តិសាស្ត្រដែលមានអាល់ប៊ុម ចំនួនពីរបានបំបែកដោយទទួលបានចំណាត់ថ្នាក់ក្រោម top 30នៃតារាង Billboard 200។ មុនពេល ទទួលសមិទ្ធផលខាង Hanteo Chart បានបញ្ជាក់ថា “Indigo” លក់បានសរុបចំនួន ៦១៩,២៣២ បន្ទះក្នុងសប្តាហ៍ដំបូងនៃការចេញអាល់ប៊ុមនេះផងដែរ៕

ប្រែសម្រួល៖នាងតូច

ចុចអាន៖លេចធ្លាយ វីដេអូរបស់ Jennie ឱបថើបបុរសម្នាក់យ៉ាងស្និទ្ធស្នាលក្នុងពិធីជប់លៀងមួយ