Seungri អតីតសមាជិក Big Bang ជិតចេញពីពន្ធនាគារក្នុងពេលឆាប់ៗនេះហើយ

បន្ទាប់ពីបញ្ចប់ការកាត់ទោសរយៈពេលជិតមួយឆ្នាំកន្លះមក Seungri អតិតសមាជិក Big Bang នឹងត្រូវដោះលែងពីពន្ធនាគារនៅដើមឆ្នាំ ២០២៣ ដែលធ្វើឲ្យអ្នកនិយមលេងអ៊ីនធឺណិតកូរ៉េមានការភ្ញាក់ផ្អើលចំពោះព័ត៌មានមួយនេះ។

យោងទៅតាមប្រព័ន្ធផ្សព្វផ្សាយកូរ៉េបានចុះផ្សាយថា នៅក្នុងខែកុម្ភៈ ឆ្នាំ ២០២៣ Seungri អតិតសមាជិក Big Bang នឹងត្រូវបានដោះលែងពីពន្ធនាគារ។ ជាមួយគ្នានេះ អ្នកនិយមលេងអ៊ីនធឺណេតកូរ៉េជាច្រើនមានការភ្ញាក់ផ្អើលយ៉ាងខ្លាំង និងសម្តែការប្រត្តិកម្មចំពោះព័ត៌មានមួយនេះ។

ទន្ទឹម​នឹង​នេះ អ្នកខ្លះ​ក៏​បារម្ភ​ថា អតីត​តារា​ចម្រៀង​រូប​នេះ​នឹង​ព្យាយាម​វិល​ចូល​សិល្បៈ​វិញ ក៏ដូចជាអ្នកនិយមលេងអ៊ីនធឺណេតបានបញ្ចេញមតិសំណូមពរលោកមេត្តាកុំត្រឡប់ចូលសិល្បៈវិញ ពីព្រោះ ពួកគេមិនចង់ឃើញមុខលោកទាល់តែសោះ។

យ៉ាងណាមិញ នៅក្នុងឆ្នាំ ២០១៩ លោកSeungri អតិតសមាជិក Big Bang បានជាប់ពាក់ព័ន្ធនឹងករណីរឿងអាស្រូវ “Burning Sun” ដែលលោកត្រូវបានចោទប្រកាន់ក្រោមការចោទប្រកាន់ សរុប ចំនួន ៩ រួមមានការសម្រុះសម្រួលពេស្យាចារ ការលេងល្បែងស៊ីសងខុសច្បាប់នៅក្រៅប្រទេស ការចែកចាយរូបភាពអាសអាភាសខុសច្បាប់ ការកិបកេងបន្លំ ការបំភិតបំភ័យ និងការធ្វើទារុណកម្មជាដើម ។

បន្ទាប់មកក្នុងឆ្នាំ ២០២២ លោកត្រូវតុលាការយោធាជាន់ខ្ពស់បានកាត់បន្ថយការកាត់ទោសមកត្រឹម ១ ឆ្នាំ និង ៦ ខែ ដោយសេចក្តីសម្រេចនេះបានធ្វើឱ្យអ្នកនិយមលេងអ៊ីនធឺណិតកូរ៉េជាច្រើនខឹងសម្បារ នៅពេលនោះ ពួកគេគិតថាការដាក់ទណ្ឌកម្មរបស់ Seungri គឺស្រាលពេក៕

ប្រែសម្រួល៖នាងតូច

ចុចអាន៖អាល់ប៊ុមរបស់ RM មេក្រុម BTS បំបែកប្រវត្តិសាស្ត្រ នៅលើតារាង Billboard 200

ចុចអាន៖លេចវត្តមានជំទាវទីមួយបារាំង មកទស្សនាខនសឺតក្រុម BLACKPINK