ជីវិតកម្សាន្ដ

បងប្រុសចែកឋាន ១ ឆ្នាំ! នាង ប្រាក់គន្ធា រម្លឹកអនុស្សាវរីយ៍សល់តែរូបភាព និងស្នាមញញឹម

បានផុស

២ years មុន

នៅ

ថ្ងៃព្រហស្បតិ៍ ១៥ ធ្នូ ២០២២

ដោយ

គិតមកទល់ពេលនេះ តារាចម្រៀងវ័យក្មេងលោក នាង ប្រាក់សុគន្ធ បានចែកឋានទៅមានរយៈពេល ១ ឆ្នាំមកហើយ ខណៈជារឿយៗគេតែងឃើញតារាចម្រៀងស្រីដែលជាប្អូនស្រីបង្កើត គឺ កញ្ញា នាង ប្រាក់គន្ធា បានបង្ហាញការនឹកស្រណោះដល់បងប្រុសផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងបន្ទាប់ពីលោក ប្រាក់សុគន្ធ ទទួលមរណភាពដែលមានរយៈពេល ១ ឆ្នាំកន្លងមកនេះ ក៏ស្រាប់តែតារាចម្រៀងស្រីវ័យក្មេងកញ្ញា នាង ប្រាក់គន្ធា បានទម្លាយរូបភាព និងវីដេអូអនុស្សាវរីយ៍ជាច្រើនជាមួយបងប្រុសរបស់ខ្លួនគ្រាដែលនៅមានជីវិត។ កញ្ញា នាង ប្រាក់គន្ធា បានរៀបរាប់ខ្លឹមសារថា សល់តែរូបភាព និងស្នាមញញឹមដ៏ស្រស់ស្អាតទេបងប្រុសប្អូនអើយ…..។

តារាចម្រៀងកញ្ញា ប្រាក់គន្ធា បានបញ្ជាក់បន្ថែមថា មួយឆ្នាំហើយដែលបងចាកចេញ ពួកយើងមិនដែលភ្លេចបងសូម្បី ១ នាទី។ ជាមួយគ្នា នៃការបង្ហោះសាររបស់តារាចម្រៀង នាង ប្រាក់គន្ធា ខាងលើនេះដែរ គេឃើញមានការលើកទឹកចិត្តជាច្រើនពីមហាជន និងអ្នកគាំទ្រ ខណៈមានខ្លះលើកឡើងថា ចំពោះបងឲ្យតែបានឃើញរូបថតប្អូនហេតុអ្វីបានបងស្រក់ទឹកភ្នែកដោយមិនដឹងខ្លួនរហូតអញ្ចឹង ទាល់តែអ្នកធ្លាប់បាត់បង់មនុស្សជាទីស្រលាញ់ទើបបានយល់ច្បាស់។

គួររម្លឹកថា តារាចម្រៀងវ័យក្មេង នាង ប្រាក់សុគន្ធ បានជួបនូវគ្រោះថ្នាក់ចរាចរណ៍កាលពីរំលងអធ្រាត្រឈានចូលថ្ងៃទី ២៥ ខែធ្នូ ឆ្នាំ ២០២១ ក្រោយចេញពីច្រៀងនៅហាងសាច់អាំងហេងៗ ២ ក្បែរច្រមុះជ្រូកស្ទឹងមានជ័យ បណ្ដាលឲ្យស្លាប់ក្រោយបញ្ជូនដល់មន្ទីរពេទ្យ៕

អត្ថបទ ៖ ចាន់រ៉ា