ជីវិតកម្សាន្ដ

លីម តិចម៉េង ៖ ខ្ញុំគ្រាន់តែជាអ្នកចម្រៀងម្នាក់របស់គ្រួសារខ្មែរ មិនដែលគិតថាខ្លួនជាតារាទេ

បានផុស

២ years មុន

នៅ

ថ្ងៃសុក្រ ១៦ ធ្នូ ២០២២

ដោយ

ស្របពេលសន្ទុះ នៃការគាំទ្រ និងប្រជាប្រិយភាពកាន់តែមានការហក់ឡើងខ្លាំងនៅក្នុងទីផ្សារសិល្បៈ តារាចម្រៀងវ័យក្មេង និងម្ចាស់ពានរង្វាន់លំដាប់ពិភពលោក លីម តិចម៉េង ថ្មីៗនេះបែរជាបង្ហាញអារម្មណ៍ប្លែកៗក្នុងចិត្តហាក់កំពុងរងសម្ពាធ ឬមានបញ្ហាផ្លូវចិត្តអ្វីមួយ ក្រោយដើរលើវិថីសិល្បៈមួយរយៈខ្លីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លីម តិចម៉េង បានទម្លាយជាសាធារណៈប្រាប់ទៅមហាជន និងអ្នកគាំទ្រខ្លួនថា ប្រហែលជាថ្ងៃមុនគេយល់ច្រឡំលើខ្ញុំ តែថ្ងៃនេះនៅតែយល់ច្រឡំលើខ្ញុំ ប្រហែលជាថ្ងៃក្រោយនៅតែយល់ច្រឡំលើខ្ញុំទៀត តែខ្ញុំនៅតែជាខ្ញុំ អ្វីដែលល្អ មានប្រយោជន៍ មានតម្លៃសម្រាប់ជីវិត គឺខ្ញុំនៅតែបន្តចែករំលែកក្នុងនាមជាខ្មែរ ខ្ញុំគ្រាន់តែជាអ្នកចម្រៀងម្នាក់របស់បងប្អូនគ្រួសារខ្មែរទាំងអស់គ្នា ខ្ញុំមិនដែលគិតថាខ្លួនខ្ញុំជាតារានោះទេ។

តារាចម្រៀងមានដើមកំណើតពីទឹកដីខេត្តកំពង់ចាម លោក លីម តិចម៉េង បាននិយាយទៀតថា ខុស ត្រូវ ខ្វះខាតត្រង់ចំណុចណា បងប្អូនអាចពិចារណាតាមការគួរ ព្រោះខ្ញុំមិនអាចតម្រូវតាមសំណូមពររបស់បងប្អូនទាំងអស់គ្នាបានទេ មនោសញ្ចេតនា និងការងារ គឺដាច់ដោយឡែកពីគ្នា មិនអាចលម្អៀងបានទេ ហើយបងប្អូនអ្នកគាំទ្រទាំងអស់របស់ខ្ញុំ គឺជាកម្លាំងចិត្តដ៏សំខាន់ក្នុងជីវិតរបស់ខ្ញុំ សូមអរគុណ។

ការលើកឡើងរបស់តារាចម្រៀងវ័យក្មេង លោក លីម តិចម៉េង ខាងលើនេះបានធ្វើឲ្យអ្នកគាំទ្របង្ហាញការលើកទឹកចិត្តចំពោះតារាប្រុសរូបនេះ។ ខណៈខ្លះទៀតនិយាយថា ការគាំទ្ររបស់មហាជនគឺបានផ្ដល់កម្លាំងចិត្តដ៏ធំធេងសម្រាប់កំលោះតូច លីម តិចម៉េង ដើរលើវិថីសិល្បៈ។ កត់សម្គាល់ថា បន្ទាប់ពីក្លាយជាម្ចាស់ពាន លីម តិចម៉េង បច្ចុប្បន្នត្រូវបានគេឃើញថា ទាំងប្រជាប្រិយភាព និងសន្ទុះ នៃការគាំទ្រពីទស្សនិកជនគឺមានការកើនឡើងជាបន្តបន្ទាប់៕

អត្ថបទ ៖ ចាន់រ៉ា