ជីវិតកម្សាន្ដ

Taeyeon មេក្រុម SNSD ជាប់ឈ្មោះលើបញ្ជី ‘The Best K-Pop ‘ក្នុងទស្សនាវដ្តី TIME

បានផុស

២ years មុន

នៅ

ថ្ងៃសុក្រ ១៦ ធ្នូ ២០២២

ដោយ

Taeyeon មេក្រុម Girls’ Generation ត្រូវបានដាក់ឈ្មោះក្នុងបញ្ជី ‘The Best K-Pop Songs and Albums of 2022’ ដោយទស្សនាវដ្តី TIME ដែលជាប្រព័ន្ធផ្សព្វផ្សាយដ៏ល្បីល្បាញរបស់អាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនាវដ្ដី Time បានប្រកាសថា ‘The Best K-Pop Songs and Albums of 2022’ កាលពីថ្ងែទី ១៣ ហើយអាល់ប៊ុម ‘INVU’ របស់ Taeyeon ត្រូវបានចុះក្នុងបញ្ជីជា ‘Best K-Pop Album’ ដោយបង្ហាញឲ្យដឹងពីភាពជោគជ័យ និងឥទ្ធិពលរបស់នាង។

ជាពិសេស ទស្សនាវដ្ដី Time បាននិយាយអំពី Taeyeon ថា “វាជាការពិតដែលតារាចម្រៀងស្រីថ្មី បានបន្សល់ទុកនូវចំណាប់អារម្មណ៍យ៉ាងខ្លាំងនៅក្នុងវិស័យ K-pop ក្នុងឆ្នាំ ២០២២ ប៉ុន្តែនាងមិនមែន ជាតារាចម្រៀងតែមួយគត់ដែលបានជាប់ឈ្មោះក្នុងបញ្ជីនៅក្នុងឆ្នាំនេះ នៅក្នុងនោះក៏បានបង្ហាញវត្តមានក្រុមចម្រៀង K-pop ជាច្រើនផងដែរ។

ទាក់ទងនឹងអាល់ប៊ុម ‘INVU’ គឺជាអាល់ប៊ុមទោលទី ៣ របស់ Taeyeon ដែលនៅក្នុងនោះមានច្រៀងចំនួន ១៣ បទនិងបង្ហាញអ្វីគ្រប់យ៉ាងចាប់តាំងពីរាំប៉ុបរហូតដល់ចង្វាក់ R&B និងឌីស្កូ ហើយអាល់ប៊ុមនេះបានជាប់ ចំណាត់ថ្នាក់លើកំពូលតារាងតន្ត្រី និងតារាងតន្ត្រី ក៏ដូចជាឈ្នះពានរង្វាន់ចំនួន ៨ នៅលើកម្មវិធីតន្ត្រី នឹងឈរនៅលើកំពូលតារាង iTunes Top Album ក្នុង ២៣ តំបន់ជុំវិញពិភពលោក និងជាប់ចំណាត់ ថ្នាក់លេខ ១ ក្នុងតារាងលក់អាល់ប៊ុម ឌីជីថល QQ Music ៕

ប្រែសម្រួល៖នាងតូច

ចុចអាន៖ អ្នកលេងអ៊ីនធឺណិតម្នាក់រងការពិន័យ ក្រោយប្រមាថ IU លើប្រព័ន្ធផ្សព្វផ្សាយសង្គម