Kwan ថា សម្រស់នាងគឺធម្មជាតិ មិនបានចាក់ Filler ឬ Botox បំពេញលើមុខឡើយ

Kwan Usamanee បានផ្តល់បទសម្ភាសន៍ដល់ Nine Entertainment អំពី​របៀប​ថែរក្សា​ខ្លួន​ថា ​មុខមាត់នាងគឺបានមកពី​សម្រស់​ធម្មជាតិ​ មិនបានចាក់ថ្នាំ Filler ឬ Botox ឡើយ។

តារាសម្ដែងស្រីរូបនេះបាននិយាយថា នាងគឺជាមនុស្សដែលមានស្បែកងាយប្រតិកម្ម ពេលពាក់​ម៉ា​សនឹង​កើត​មុន​។​ នៅពេលដែលមានស្នាមលេចឡើង វាពិតជាពិបាកណាស់ក្នុងការជាសះស្បើយ។​ ដូច្នេះហើយទើប Kwan ថែរក្សាខ្លួនតាំងពីនាងនៅក្មេង ដោយត្រូវមើលថែស្បែកមុខជាមួយគ្រូពេទ្យផ្ទាល់និងមាន​ការ​ព្យាបាល​ដោយ​ឡាស៊ែរ។

Kwan​ បន្ថែមទៀតថា នៅ​អាយុ​៣៤​ឆ្នាំ ខ្ញុំ​ត្រូវ​មើល​ថែ​ខ្លួន​ឯង​បន្ថែម​ទៀត។ ចំណែកផ្ទៃមុខរបស់ខ្ញុំគឺមិនមានសារធាតុ Fillers និង Botox ទេ។ វាតឹងណែនដោយធម្មជាតិ បានមកពីឪពុកម្តាយបានប្រគល់ឲ្យ។​ ដោយផ្ទាល់ Kwan បាននៅជាមួយលោកបណ្ឌិតតាំងពីកុមារភាព។ ទាក់ទងនឹងការថែរក្សាខ្លួនឯង ខ្ញុំ​​តែង​គេង​ឆាប់​ ញ៉ាំអាហារដែលមានជីវជាតិ។ ជ្រើសរើសវត្ថុ​ដែលមិនបង្កគ្រោះថ្នាក់​ដល់រាងកាយរបស់អ្នក ដូចជា​គ្រឿងសំអាង​សរីរាង្គ ឬគ្រឿងសំអាង​ថែរក្សា​ផ្ទាល់ខ្លួន។ ចំណែក​ការ​ហាត់​ប្រាណ​វិញ គឺ​មើល​ថែ​ខ្លួន​ឯង​ពី​ខាង​ក្នុងដោយការហាត់យូហ្គា។

ជាងនេះទៅទៀតប្រសិនបើ​ឈាម​ល្អ​ចិញ្ចឹម​សរីរាង្គ​ល្អ ថ្លើម​ល្អ វាអាច​បណ្ដេញ​កាកសំណល់ ស្បែក​យើង​នឹង​ភ្លឺ​ដោយ​ខ្លួនឯង។ តែ​បើ​ឈាម​មិន​ល្អ ឈាម​ឡើង​ក្រាស់ ជំងឺ​ច្រើន​មុខ មុខងារ​សរីរាង្គ​នឹង​ចុះ​ខ្សោយ។ “ខ្ញុំទទួលស្គាល់ថាខ្ញុំរស់នៅជាមួយគ្រូពេទ្យច្រើនហើយក៏ទទួលបានចំណេះដឹងពីវេជ្ជបណ្ឌិតបានច្រើនផងដែរ”៕

ប្រែសម្រួល៖ សាង ស្រីល័ក្ខ

ចុចអាន៖Ice Preechaya ចេញមុខបកស្រាយពីមូលហេតុនាងញៀននឹងការកែសម្ផស្សខ្លាំង

ចុចអាន៖Ice Preechaya ចេញមុខបកស្រាយពីមូលហេតុនាងញៀននឹងការកែសម្ផស្សខ្លាំង