ជីវិតកម្សាន្ដ

គឹម លីហ្សា ចេញសារដាស់តឿនចាក់ចំបេះដូងអ្នកគាំទ្រ ពាក់ព័ន្ធអ្នកផិតក្បត់

បានផុស

២ years មុន

នៅ

ថ្ងៃសុក្រ ១៦ ធ្នូ ២០២២

ដោយ

តារាសម្ដែងអ្នកនាង គឹម លីហ្សា មួយរយៈពេលនេះគឺពិតជាកាក់កបមែនទែនជាមួយការងាររកស៊ីផ្ទាល់ខ្លួន បន្ទាប់ពីជោគជ័យក្នុងមុខជំនួញជាច្រើន ជាពិសេសការបើកហាងលក់ម្ជូរ ក៏ដូចជាផលិតផលផ្សេងៗទៀតជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលកំពុងជោគជ័យលើអាជីពរកស៊ីផ្ទាល់ខ្លួននេះដែរ ស្រាប់តែ គឹម លីហ្សា ចេញសារដាស់តឿនចាក់ចំបេះដូងអ្នកគាំទ្រ ពាក់ព័ន្ធអ្នកដែលចូលចិត្តយកប្ដីគេ។

ក្នុងនោះអ្នកនាង គឹម លីហ្សា បានលើកឡើងថា មនុស្សស្រីត្រូវចាំ ទោះនាងឡើងគ្រែជាមួយប្ដីគេប៉ុន្មានរយដង ក៏គេនៅតែគ្មានអារម្មណ៍ស្រលាញ់នាងកាន់តែខ្លាំងជាងមុនដូចដែលគេស្រឡាញ់ប្រពន្ធ និងកូនគេដែរ បើយើងជ្រុលជាល្ងង់ហើយ នាងគួរដកខ្លួនចេញ កុំឲ្យល្ងង់ហើយល្ងង់ទៀត។

តារាស្រី គឹម លីហ្សា បានបន្តទៀតថា កុំគិតថាខ្លួនឯងជាស្រីម្នាក់សម្រស់ស្រស់ស្អាត ហើយអស្ចារ្យសម្រាប់គេនោះ ខុសហើយ បើគេគិតថានាងអស្ចារ្យសម្រាប់គេមែន គេមិនមែនគ្រាន់តែយកនាងលួចលាក់ប៉ុណ្ណឹងនោះទេ សម្រាប់មនុស្សប្រុស ប្រពន្ធ និងកូនអស្ចារ្យ និងគេមានតម្លៃណាស់ ចុងក្រោយគេទៅលត់ជង្គង់សុំទោសប្រពន្ធគេដដែល ហើយអ្នកដែលគេចោលគឺជានាង សូមធ្វើខ្លួនឲ្យមានតម្លៃ ប្រុសពេញផែនដី រកមួយជាកម្មសិទ្ធិខ្លួនឯងទៅ។ ឱបប្ដីគេវាសប្បាយមិនបានយូរនោះទេ។

តាមរយៈនេះមានការបញ្ចេញមតិគាំទ្រអ្នកនាង គឹម លីហ្សា ជាច្រើន ខណៈមានខ្លះក៏លើកឡើងថា សំណេរបងផ្ដាំទៅមនុស្សស្រីត្រូវណាស់ តែសាច់រឿងផិតក្បត់ តួសំខាន់គឺមនុស្សប្រុស បើដឹងថាខ្លួនមានប្រពន្ធហើយ កុំទៅអូសក្រឡាគេ លាក់ថាខ្លួននៅកំលោះ។ តែបើស្រេកខ្លាំង ស៊ីនំឲ្យលុយទៅ។

ឯខ្លះទៀតថា បន្ទោសតែស្រី បន្ទោសប្ដីផង។ ប្រុសល្អគេមិនពាក់ព័ន្ធស្រីញីឲ្យប្រពន្ធពិបាកចិត្តទេ ប្រុសល្អគេចេះមានប្រដាប់គិតច្បាស់លាស់ កុំព្រោះតណ្ហាដឹកមុខមួយពេលបំផ្លាញទឹកចិត្ត ឬសុភមង្គលគ្រួសារនោះទេ។ ប្រពន្ធដើម និងស្រី ឬប្រពន្ធចុង ក៏សុទ្ធតែជាអ្នករងគ្រោះដូចគ្នា រងគ្រោះដោយសារប្ដីហេងស៊យ ខ្សោយប្រដាប់គិត ឬប្រដាប់គិតយកទៅទុកក្នុងបង្គន់៕

អត្ថបទ ៖ ចាន់រ៉ា