Kwan បង្ហាញរូបកាលពីក្មេង ក្រោយគេថាសម្រស់របស់នាងឆ្លងកាត់មុខកាំបិត

បន្ទាប់ពីមហាជនដាក់ការសង្ស័យថា Kwan ធ្លាប់ឆ្លងកាត់មុខកាំបិតជាច្រើនដង ​​ទើបទទួលបានសម្រស់ដូចបច្ចុប្បន្ន សាមីខ្លួនបានចេញមុខបកស្រាយច្បាស់ៗ បំបាត់មន្ទិលគ្រប់គ្នា និងបង្ហាញរូបថតកាលពីក្មេងបញ្ជាក់ថា នាងមានសម្រស់ស្រស់ស្អាតពីធម្មជាតិពិតៗ។

ដោយសារសម្រស់របស់ Kwan Usamanee ​កាន់តែ​ស្អាត​ឡើងៗពីមួយថ្ងៃទៅមួយថ្ងៃ មហាជនមួយចំនួនបាននិយាយថា ​នាងប្រាកដជាធ្លាប់​វះកាត់​មិនខាន ទើបនាងកាន់ស្អាតប្លែកបែបនេះ។

ឆ្លើយតបទៅនឹងការសង្ស័យ Kwan បានបង្ហាញរូបថតរបស់កាលនៅកុមារភាព ដែលវាបង្ហាញថា តារាស្រីរូបនេះមានសម្រស់មិនចាំបាច់កែកុនតាំងពីក្មេងមកម្ល៉េះ។ រូបមួយសន្លឹកនោះគឺជារូបដែលនាងទើប​ប្រឡូក​ក្នុង​វិស័យ​សិល្បៈ ​​កាលអាយុ ​៣-៤​ឆ្នាំ ហើយរហូត​មក​ដល់​ពេល​នេះ​ នាងឈានចូលអាយុ​ ៣៤​ឆ្នាំហើយ ប៉ុន្តែ​នាងនៅតែមានសម្រស់ស្រស់​ស្អាត​បែបធម្មជាតិ ​មិន​ប្រែប្រួលនោះទេ។

បន្ថែមពីលើនេះ ​Kwan បានបញ្ជាក់ថា ការដែលសម្រស់របស់នាងមើលទៅហាក់ប្លែកខុសពីមុន នោះដោយសារការផាត់មុខ មិនមានការលួចវះកាត់ ឬកែកុនចំណុចណាមួយលើផ្ទៃមុខឡើយ៕

ប្រែសម្រួល៖ សន្យា

ចុចអាន៖ អ្នកលេងអ៊ីនធឺណិតបញ្ចេញមតិព្រោងព្រាត ក្រោយ Kwan ថា នាងស្អាតបែបធម្មជាតិ

ចុចអាន៖ Kwan ដាក់កំហិតខ្លួនឯង បើ ៦ឆ្នាំទៀតមិនទាន់រៀបការ នាងនឹងទៅបួស