ជីវិតកម្សាន្ដ

Kwan បង្អួតសម្រស់ធម្មជាតិ ស្រាយមន្ទិលថា នាងវះកាត់កែសម្ផស្ស

បានផុស

២ years មុន

នៅ

ថ្ងៃសៅរ៍ ១៧ ធ្នូ ២០២២

ដោយ

កន្លងមក Kwan ធ្លាប់ផ្ដល់សម្ភាសន៍ជារឿយៗអំពីសម្រស់ថា នាងមិនបានចាក់ Fillers ឬ Botox លើផ្ទៃមុខឡើយ។ កាលដែលឃើញមុខតឹងណែនបែបធម្មជាតិ គឺបានមកពីសម្រស់សរីរាង្គ ដោយការចូលគេងឲ្យបានឆាប់ និងធ្វើលំហាត់ប្រាណ ជ្រើសរើសអាហារដែលមានសុខភាពល្អ ប្រើគ្រឿងសម្អាងត្រឹមត្រូវ ព្រោះ Kwan ជាមនុស្សដែលមានស្បែកងាយប្រតិកម្មតាំងពីតូចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បន្ទាប់ពីបទសម្ភាសន៍ត្រូវបានចេញផ្សាយ ទំព័រហ្វេសប៊ុក Jay Moy 108 បាននាំយកបទសម្ភាសន៍ខ្លីៗមកបង្ហោះពីសំដីរបស់នាងដដែលៗថា ស្អាតតាមធម្មជាតិ គ្មាន Filler និង Botox មុខតឹងណែនដោយធម្មជាតិ មិនបានធ្វើអ្វីសោះ ហើយគ្រប់យ៉ាងគឺឪពុកម្តាយបង្កើតវាឲ្យស្រស់ស្អាត និងពោរពេញដោយសារធាតុសរីរាង្គ ដោយមិនជឿលើការនាំយកធាតុគីមីចូលមកខាងក្នុង។ ចំណែកការថែទាំខ្លួនឯងត្រូវគេងឲ្យបានឆាប់ បើគេងមិនលក់ដូច Kwan នៅម៉ោង៣ទៀបភ្លឺ ត្រូវញ៉ាំអាហារដែលមានជីវជាតិ។

ទន្ទឹមនោះមហាជនភាគច្រើនបាននិយាយដូចៗគ្នាថា Kwan មិនបានចាក់ថ្នាំបំពេញក្នុងមាត់ ប៉ុន្តែតាមពិតការលាបក្រែមលាបលើគែមបបូរមាត់ អាចធ្វើឲ្យបបូរមាត់មើលទៅឃើញធំដូចចាក់បំពេញ។ ប៉ុន្តែក៏មានមនុស្សមួយចំនួនធំថានាងវះកាត់កែសម្ផស្សសោះ ហើយមកកុហកថាធម្មជាតិ។

ឆ្លើយតបទៅនឹងការសង្ស័យ តារាសម្ដែង Kwan បានបង្ហាញវីដេអូដែលនាងមិនបានផាត់មុខសូម្បីតែបន្តិច និងបានផ្អៀងផ្អង់ឲ្យមហាជនពិនិត្យមើលឲ្យកាន់តែច្បាស់ ហើយឈប់ចោទនាងថាវះកាត់កែសម្ផស្សទៅ៕