Jennie ជាប់ជាតារាស្រីមានប្រជាប្រិយភាពបំផុតក្នុងឆ្នាំ ២០២២

Jennie សមាជិកក្រុម BLACKPINK ត្រូវបានវិភាគក៏ដូចជាជ្រើសរើសជាតារាស្រីមានប្រជាប្រិយភាពបំផុតក្នុង ២០២២ ដោយតារាស្រីរូបនេះមានសមត្ថភាពផ្សព្វផ្សាយផលិតផល ដែលនាងធ្វើម៉ូដែលលក់ដាច់រហូតដល់បានពានរង្វាន់។

យោងទៅតាមវិទ្យាស្ថានស្រាវជ្រាវកេរ្តិ៍ឈ្មោះសាជីវកម្មកូរ៉េបានស្រង់ទិន្នន័យពីម៉ាកយីហោធំនៅទូទាំងប្រទេសកូរ៉េ ដែលមានសមាជិកនៃក្រុមនារី K POP ចំនួន ៥៧៩ នាក់ធ្វើម៉ូដែលផ្សព្វផ្សាយផលិតផល ដោយប្រើទិន្នន័យប្រមូលបានចាប់ពីថ្ងៃទី ១៨ ខែវិច្ឆិកាដល់ថ្ងៃទី ១៨ ខែធ្នូ។ ក្នុងនោះ Jennie របស់ Blackpink ដែលជាប់ចំណាត់ថ្នាក់លេខមួយជាមួយ ៤,៥០០,១៩៧ ពិន្ទុ ក្នុងនាមជាតារាស្រីដែលមានប្រជាប្រិយភាពបំផុតក្នុងកាផ្សព្វផ្សាយផលិតផលដែលនាងធ្វើម៉ូដែល។

យ៉ាងណាមិញ ទិន្នន័យនេះបានបង្ហាញថា JENNIE សមាជិកក្រុម BLACKPINK នៅតែបន្តកំណត់ត្រារបស់នាងជាតារាស្រីដែលមានចំណាត់ថ្នាក់លេខ ១ ច្រើនជាងគេក្នុងប្រវត្តិសាស្ត្រនៃចំណាត់ ថ្នាក់តារាស្រីមានប្រជាប្រិយភាពបំផុតរបស់ប្រទេសកូរ៉េខាងត្បូង៕

ប្រែសម្រួល៖នាងតូច

ចុចអាន៖J-Hope សមាជិក BTS នឹងសម្តែងក្នុងកម្មវិធីចុងឆ្នាំឲ្យទូរទស្សន៍ ABC