ត្រឹមរយៈពេល ៤ ថ្ងៃ រឿង Avatar វគ្គ ២ ត្រៀមនឹងរកចំណូលបាន ៥០០ លានដុល្លារ

រឿង “Avatar: The Way of Water” ឫ Avatar វគ្គ២ កំពុងវាយលុកខ្លាំងនៅលើផ្សារភាពយន្តទូទាំងពិភព លោក ខណៈបច្ចុប្បន្ននេះរកចំណូលបាន ៤៧៧.១ លានដុល្លារអាមេរិក ហើយហៀបនឹងឡើងដល់ ៥០០ លានដុល្លារអាមេរិក បន្ទាប់ពីចេញបានត្រឹមតែ ៤ ថ្ងៃប៉ុណ្ណោះ។

យោងទៅតាម People បានរាយការណ៍ថា Avatar: The Way of Water ដែលត្រូវបានចាក់បញ្ចាំងក្នុងរោងកុនកាលពីថ្ងៃសុក្រ ត្រូវបានគេរំពឹងថានឹងរកចំណូលបានលើសពី ៥០០ លានដុល្លារនៅ Box Office ទូទាំងពិភពលោក។

ប៉ុន្តែយោងតាមរបាយការណ៍ Deadline បង្ហាញថារៀង Avatar: The Way of Water អាចរកប្រាក់ចំណូលបាន ១៣៤ លានដុល្លារក្នុងស្រុកកាលពីចុងសប្តាហ៍មុន និង ៣០១ លានដុល្លារផ្សេងទៀតពីផ្សារអន្តរជាតិសម្រាប់សរុបជា សកល ៤៣៥ លានដុល្លារ ហើយបច្ចុប្បន្នរឿងនេះរកចំណូលសរុបជាសកលចំនួន ៤៩៧,១ លានដុល្លារ។

យ៉ាងណាមិញ រឿង Avatar វគ្គ២ ត្រូងបានអ្នកជំនាញប៉ាន់ប្រមាណថានឹងរកចំណូលបានពី ១៥០ លានដុល្លារទៅ ១៧៥ លានដុល្លារក្នុងស្រុក ក៏ដូចជា ៤៥០ លានដុល្លារទៅ ៥៥០ លានដុល្លារបន្ថែមទៀតនៅទូទាំងពិភពលោកផងដែរ៕

ប្រែសម្រួល៖នាងតូច

ចុចអាន៖មិនដែរដឹងសោះ តារាល្បីលំដាប់ពិភពលោក ៧ រូបនេះ មានបងប្អូនភ្លោះ