តារាសិចស៊ី ហ្វាហ្វា បង្ហាញ៥ចំណុចដែលមនុស្សប្រុសមិនអាចធ្វើបានដូចគ្នា

តារាសម្តែងសិចស៊ីដែលទើបរងព័ត៌មានអាស្រូវជុំវិញការថតរឿងលក្ខណ:ស្រើបស្រាលក្តៅរោលរាលកញ្ញា ហ្វាហ្វា ថ្មីៗមុននេះបានចេញមកទម្លាយប្រយោគមួយឃ្លាដែលធ្វើឲ្យអ្នកគាំទ្របង្ហាញការចាប់អារម្មណ៍គ្រប់គ្នា។ ម្យ៉ាងទៀតអំឡុងពេលផ្ទុះការរិះគន់នេះដែរក៏មានការបែកធ្លាយថា ហ្វាហ្វា កំពុងជួបរឿងបែកបាក់សង្សាទៀតផង។

ប្រាកដណាស់កន្លងមកនេះ គឺមានមហាជនជាច្រើនបានសម្ដែងការមិនពេញចិត្តហើយបញ្ចេញការរិះគន់ដោយមិនសំចៃទៅលើតារាស្រី អូនហ្វា រហូតធ្វើឲ្យនាងមិនអស់ចិត្តក៏បានចេញមុខទទូចតាមរយៈការបង្ហោះសារដោយទទូចស្នើរទៅអ្នកគាំទ្រថា «សូមបងប្អូនចូលទៅមើលរឿងពេញសិនទៅចាំបញ្ចេញមតិ នាងខ្ញុំនឹងទទួលទាំងមតិវិជ្ជមាន និងមតិអវិជ្ជមាន ដើម្បីស្ថាបនា»។

រំលងរឿងរ៉ាវខាងលើមិនបានប៉ុន្មានផង ស្រាប់តែមានព័ត៌មានចុះផ្សាយថា «ក្រោយឈុតស្នេហារោលរាលអូន Sky​ល្បីកប់ពេលនេះហ្វាហ្វាបែកស្នេហ៍ពីសង្សារនៅអាមេរិក»។ ប៉ុន្តែការពិតឬយ៉ាងណានោះគេនៅមិនទាន់ឃើញមានប្រតិកម្មណាមួយពីតារាស្រីរូបស្រស់កញ្ញា ហ្វាហ្វា នៅឡើយទេ។ ដោយឡែកនៅលើទំព័រហ្វេសប៊ុកអូន ហ្វា បានពន្លយហេតុផលហេតុផល៥ចំណុចដែលមនុស្សប្រុសមិនអាចធ្វើបានដូចគ្នា ។

តាមរយ:អត្ថន័យនោះត្រូវបានកញ្ញា ហ្វាហ្វា បញ្ជាក់ថា មនុស្សចូលក្នុងជីវិតយើងមិនដូចគ្នាទេ ដោយក្នុងនោះ គឺអ្នកខ្លះចូលមកដើម្បីសង ,អ្នកខ្លះចូលមកដើម្បីជំពាក់ ,អ្នកខ្លះចូលមកដើម្បីឲ្យ, អ្នកខ្លះចូលមកដើម្បីយក និងអ្នកខ្លះចូលមកដើម្បីផ្ដល់ពន្លឺ។ កញ្ញា ហ្វាហ្វា គឺជាតារាសម្តែងស្រីដែលកំពុងលេចវត្តមានលើវិស័យសិល្ប:ដោយផ្អែកតាមរយ:រូបសម្រ ស់និងទេពកោសល្យបានធ្វើឲ្យសន្ទុះទីផ្សាសិល្ប: ហក់ឡើងគួរឲ្យកត់សម្គាល់៕

អត្ថបទ៖ ចាន់រ៉ា