ជីវិតកម្សាន្ដ

ទូច ស្រីល័ក្ខណ៍ កំពុងធ្វើឲ្យអ្នកគាំទ្រសង្ស័យចូលរោងការឆាប់ៗនេះ

បានផុស

២ years មុន

នៅ

ថ្ងៃសុក្រ ២៣ ធ្នូ ២០២២

ដោយ

អ្នកមេម៉ាយចាយសម្រស់ ទូច ស្រីល័ក្ខណ៍ បានធ្វើឲ្យអ្នកគាំទ្រ និងមហាជន ចាប់អារម្មណ៍គ្រប់គ្នា បន្ទាប់ពីសុខៗ ស្រាប់តែនាងទម្លាយសំបុត្រអាពាហ៍ពិពាហ៍ ហើយពោលថា ជួបឆាប់ៗនេះ ថ្ងៃថ្មី តោះចាំមើល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា តារាស្រីចូលចិត្តកំប្លុកកំប្លែង និងលេងស្ទាយ៍បែបយុវវ័យអ្នកនាង ទូច ស្រីល័ក្ខណ៍ និងអតីតស្វាមីជនជាតិបរទេស បានសម្រេចបញ្ចប់ចំណងស្នេហាជាប្តី-ប្រពន្ធមានរយៈពេលប្រមាណ ៤ ឆ្នាំមកហើយ ខណៈចំណងអាពាហ៍ពិពាហ៍អ្នកទាំង ២ ទទួលបានកូនប្រុសដ៏គួរឲ្យស្រលាញ់ម្នាក់ កំពុងរស់នៅយ៉ាងកក់ក្ដៅជាមួយអ្នកនាង ទូច ស្រីល័ក្ខណ៍។

តាមការកត់សម្គាល់ក្រោមការរស់នៅជាមួយកូនប្រុសបណ្ដូលចិត្តអស់រយៈពេលច្រើនឆ្នាំមកនេះ អ្នកនាង ទូច ស្រីល័ក្ខណ៍ មិនធ្លាប់បង្ហាញពីតម្រុយស្នេហាជាមួយបុរសណាម្នាក់ទេ ពោលគឺក្រៅតែពីការបង្ហាញក្ដីស្រលាញ់ដល់កូនប្រុសរបស់នាង។ ប៉ុន្តែក្នុងពេលឥឡូវ ស្រាប់តែអ្នកនាង ទូច ស្រីល័ក្ខណ៍ បានបង្ហើបពីតម្រុយចូលរោងការយ៉ាងភ្ញាក់ផ្អើល។

បើតាមខ្លឹមសារដែលត្រូវបានអ្នកនាង ទូច ស្រីល័ក្ខណ៍ បង្ហោះភ្ជាប់ជាមួយធៀបការកាលពីថ្ងៃទី ២២ ខែធ្នូ ឆ្នាំ ២០២២ បានបញ្ជាក់ថា ធៀបការត្រូវបានបញ្ចប់នៅក្នុងនេះ,អរគុណភ្ញៀវដែលមានវត្តមាននៅថ្ងៃខាងមុខឆាប់ៗនេះ។ អរគុណលោកគ្រូនាយកសាលា ហៅ គឹម វណ្ណៈ បានជួយសម្រួលធៀប និងឆែកឈ្មោះភ្ញៀវ(ឆាប់ៗនេះថ្ងៃថ្មី តោះចាំមើល)។

យ៉ាងណាមិញតារាស្រី ទូច ស្រីល័ក្ខណ៍ មិនបានបញ្ជាក់ទេថា សម្រាប់អាពាហ៍ពិពាហ៍នេះ នរណាជាកូនក្រមុំនៅឡើយទេ ខណៈក៏មានអ្នកគាំទ្រមួយចំនួនបានសម្ដែងការចូលរួមអបអរ និងជូនពរផងដែរ៕

អត្ថបទ ៖ ចាន់រ៉ា