ជីវិតកម្សាន្ដ

ទម្លាយជំនួញ ៥ កន្លែង របស់ Chompoo Araya សុទ្ធតែរកចំណូលវាល់លាន

បានផុស

២ years មុន

នៅ

ថ្ងៃចន្ទ ២៦ ធ្នូ ២០២២

ដោយ

នៅពេលសំដៅលើរូបតំណាង និងទេពធីតាម៉ូដរបស់ប្រទេសថៃ មនុស្សជាច្រើននឹងនឹកដល់ Chompoo Araya ភរិយារបស់អ្នកជំនួញហៃសូ Knot-Wisarut ដែលជាតារាស្រីដែលមានទេពកោសល្យខ្ពស់ទាំងសម្ដែង បង្ហាញម៉ូដ តារាចម្រៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីលើការងារនៅក្នុងឧស្សាហកម្មកម្សាន្ត អ្នកម្ដាយកូន៣រូបនេះក៏ជាម្ចាស់អាជីវកម្មផ្ទាល់ខ្លួនច្រើនកន្លែងដែលព័ត៌មានបានមកពីនាយកដ្ឋានអភិវឌ្ឍន៍អាជីវកម្ម ក្រសួងពាណិជ្ជកម្មរកឃើញឈ្មោះ Chompoo Araya លេចមុខជានាយកក្រុមហ៊ុនជាច្រើនដូចខាងក្រោម៖

១ ក្រុមហ៊ុន CHOM’S CO.,LTD បានចុះបញ្ជីនៅថ្ងៃទី ០១ ខែមេសា ឆ្នាំ២០០៨ ដែលមានលោកស្រី Chompoo Araya ជានាយកក្រុមហ៊ុន បើកអាជីវកម្មជាអ្នកគ្រប់គ្រង និងថែរក្សាផលប្រយោជន៍តារាល្បីៗ តារាចម្រៀង ពិធីករ។បច្ចុប្បន្នដើមទុនចុះបញ្ជី ១លានបាត។

២ ក្រុមហ៊ុន Suckers for Beauty Co., Ltd. បានចុះបញ្ជីនៅថ្ងៃទី០១ ខែសីហា ឆ្នាំ ២០២០ ខណៈតារាសម្ដែង Chompoo ជាក្រុមប្រឹក្សាភិបាលម្នាក់ បើកអាជីវកម្មផលិត និងចែកចាយគ្រឿងសម្អាង នាំចូល-នាំចេញ សំលៀកបំពាក់ ពាណិជ្ជកម្មតាមអ៊ីនធឺណិត បច្ចុប្បន្ននេះ ដើមទុនដែលបានចុះបញ្ជីគឺ ១០លានបាត ។

៣ ក្រុមហ៊ុនHouse of Abby Co., Ltd. បានចុះបញ្ជីនៅថ្ងៃទី ០៦ខែមីនា ឆ្នាំ ២០២០ ដោយមានលោកស្រី Chompoo ជាក្រុមប្រឹក្សាភិបាលម្នាក់ អាជីវកម្មលក់រាយតាមអ៊ីនធឺណិត បច្ចុប្បន្ននេះ ដើមទុនដែលបានចុះបញ្ជីមានចំនួន ២ លានបាត។

៤ ក្រុមហ៊ុន KOL Management Co., Ltd បានចុះបញ្ជីនៅថ្ងៃទី ០៨ ខែសីហា ឆ្នាំ២០១៧ ដែលមានលោកស្រី Chompoo ជាក្រុមប្រឹក្សាភិបាលម្នាក់។ ក្រុមហ៊ុននេះបានធ្វើអាជីវកម្មតាមរយៈប្រព័ន្ធផ្សព្វផ្សាយពាណិជ្ជកម្មតាមអ៊ីនធឺណិត។ បច្ចុប្បន្ន ដើមទុនដែលបានចុះបញ្ជីគឺ ១លានបាត។

៥ ក្រុមហ៊ុន Viny Energy Group Co., Ltd. បានចុះបញ្ជីនៅថ្ងៃទី ២៨ ខែមេសា ឆ្នាំ ២០១៦ ដែលមានលោកស្រី Chompoo ជាក្រុមក្រុមប្រឹក្សាភិបាលម្នាក់។ ដំណើរការអាជីវកម្មផលិត និងបញ្ជូនអគ្គិសនីដែលមានដើមទុនចុះបញ្ជីចំនួន ៣ លានបាត៕