ជីវិតកម្សាន្ដ
សុះ ម៉ាច អង្វរព្រះសុំកាត់អាយុខ្លួន ១០ ឆ្នាំ ដើម្បីម្ដាយបានជាសះស្បើយ
ឃើញស្ថានភាពជំងឺ និងសុខភាពអ្នកម្ដាយជាទីស្រលាញ់កាន់តែចុះខ្សោយទៅៗ តារាចម្រៀងលោក សុះ ម៉ាច បានថ្លែងពាក្យពេចន៍យ៉ាងកម្សត់ និងថែមទាំងអង្វរព្រះសុំកាត់អាយុខ្លួន ១០ ឆ្នាំ ដើម្បីម្ដាយបានជាសះស្បើយ តែមើលទៅគ្មានសង្ឃឹមទេ។
លោក សុះ ម៉ាច ដែលទើបវិលត្រឡប់ពីការច្រៀងកម្មពិធីមង្គលការនៅខេត្តកោះកុងបានពោលពាក្យទាំងអួលដើម.ក ថា កើតចាស់ឈឺស្លាប់ជាច្បាប់ធម្មជាតិ។ ប៉ុន្តែនៅពេលឃើញម្ដាយរបស់ខ្លួនប្រៀបដូចចង្កៀងដែលជិតអស់ប្រេងបែបនេះ ទឹកភ្នែកខ្ញុំហូរមក ទោះខំទប់យ៉ាងណា ក៏មិនជាប់ដែរ។ កាលម្ដាយនៅនិយាយបានលោកបានផ្ដែផ្ដាំថា កុំឲ្យខ្ញុំពិបាកចិត្តអ្វី យូរនិងឆាប់ម្ដាយគង់តែនឹងស្លាប់ទេកូន ម្ដាយចាស់ហើយ អាយុ ៨៥ ឆ្នាំ រស់មិនបានប៉ុន្មានទៀតទេ។
តារាចម្រៀងលោក សុះ ម៉ាច បន្តទៀតថា យប់នេះខ្ញុំត្រឡប់ពីកោះកុងច្រៀងកម្មពិធីមង្គលការគេក៏ប្រញាប់ប្រញាល់មករកម្ដាយ។ តែអនិច្ចាពេក តែ ១ ថ្ងៃសោះ មុនពេលខ្ញុំទៅកោះកុង បងប្អូនកូនចៅបានធ្វើសង្ឃទានជូនម្ដាយ ម្ដាយអាចនិយាយ និងកម្រើកដៃ ឬជើងបាន តែពេលនេះប្រែប្រួលអស់ ទោះកម្រើកមិនរួច និយាយមិនកើត បើកភ្នែកក៏មិនបាន ក៏អ្នកម្ដាយខំកម្រើកលើកដៃឱប.ក កូន ប្រឹងបើកភ្នែកមើលចៅៗ និងជូនពរដោយសំឡេងមិនអាចស្ដាប់បាន។
បន្ថែមពីនេះ តារាប្រុសលោក សុះ ម៉ាច បាននិយាយយ៉ាងកម្សត់ទៀតថា បើតាមបងៗដែលនៅថែប្រាប់ថា រាល់ពេល គាត់តែងតែរកឈ្មោះខ្ញុំរហូត។ ខ្ញុំបានអង្វរព្រះសុំកាត់អាយុខ្លួនឯង ១០ ឆ្នាំ ដើម្បី ឲ្យម្ដាយបានជាសះស្បើយ តែមើលទៅគ្មានសង្ឃឹមទេ។
ក្នុងនោះក៏មានអ្នកគាំទ្រលោកមួយចំនួនបានបង្ហាញក្ដីអាណិត និងរន្ធត់ចិត្ត ក្រោយឃើញអ្នកម្ដាយលោក សុះ ម៉ាច ធ្លាក់ខ្លួនឈឺធ្ងន់បែបនេះ៕
អត្ថបទ ៖ ចាន់រ៉ា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា