ជីវិតកម្សាន្ដ

ស្រី អ៊ីត រំភើបចិត្តខ្លាំង ក្រោយកូនស្រី ណាន ណាន ជោគជ័យឆ្លងទៅវគ្គបន្ត

បានផុស

២ years មុន

នៅ

ថ្ងៃចន្ទ ២៦ ធ្នូ ២០២២

ដោយ

កាលពីថ្មីៗកន្លងមកនេះ មហាជន និងអ្នកគាំទ្រ មានការភ្ញាក់ផ្អើលជាខ្លាំងពេលដែលឃើញកញ្ញា ង៉ា ស្រីណាន ហៅ ណាន ណាន ដែលជាកូនស្រីតែមួយរបស់តារាកំប្លែងអ្នកនាង ស្រី អ៊ីត បានលេចវត្តមានចូលរួមប្រកួត Miss Teen International Cambodia ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ស្រីស្អាត ណាន ណាន ក៏មានទេពកោសល្យក្នុងវិស័យសិល្បៈមិនចាញ់អ្នកម្ដាយប៉ុន្មានដែរ ដោយនាងមានជំនាញផ្នែកចម្រៀង ,រាំ និងដើរម៉ូដ។ គេក៏នៅចាំបានថា កន្លងមកគឺមហាជនធ្លាប់បានឃើញវត្តមានរបស់កញ្ញា ណាន ណាន ផងដែរ ក្នុងការចូលរួមប្រកួតក្នុងកម្មវិធី X Factor Cambodia នាអំឡុងឆ្នាំ ២០១៩ កន្លងទៅនេះ តែកាលណោះ ណាន ណាន ពុំបានជោគជ័យទៅវគ្គបន្តឡើយ។

ងាកមកចាប់អារម្មណ៍ក្នុងការលេចវត្តមានជាថ្មីរបស់កូនស្រីតារាកំប្លែង ស្រី អ៊ីត គឺកញ្ញា ណាន ណាន ដែលកំពុងចូលរួមប្រកួត Miss Teen International Cambodia២០២៣ ឯណេះវិញ នាងក៏ទទួលបានការគាំទ្រ និងចាប់អារម្មណ៍ពីសំណាក់មហាជនផងដែរ ខណៈការប្រឡងរបស់ ណាន ណាន បានជោគជ័យទៅវគ្គបន្តជាបន្តបន្ទាប់។

ជាក់ស្ដែង ស្រី អ៊ីត បានបង្ហាញអារម្មណ៍ទៅកាន់កូនស្រីបន្ទាប់ពីការប្រកួតកាលពីយប់ថ្ងៃទី ២៤ ខែធ្នូ ថា ម៉ាក់ពិតជាសប្បាយចិត្តខ្លាំងណាស់ដែលកូនស្រី ម៉ាក់ ណាន ណាន ជាប់ទៅវគ្គបន្តទៀត។

អរគុណទៅដល់ពុកម៉ែបងប្អូនកូនក្មួយទាំងអស់មកលើកទឹកចិត្ត និងផុសលើកទឹកចិត្ត ពិតជាអរគុណណាស់ សង្ឃឹមថាបងប្អូននៅតែស្រលាញ់ចូលចិត្តគាំទ្រកូនស្រីនាងខ្ញុំ ណាន ណាន។

ចំណែកសាមីខ្លួនកញ្ញា ណាន ណាន បានថ្លែងទៅកាន់អ្នកម្ដាយ និងអ្នកគាំទ្រដែរថា អរគុណម៉ាក់។

Congratulations to myself នាងខ្ញុំ ង៉ា ស្រីណាន MTIC 220 សូមអរគុណទៅដល់ម៉ាក់ប៉ាក្រុមគ្រួសាររបស់ខ្ញុំ អ្នកគាំទ្រ ក៏ដូចជាពុកម៉ែបងប្អូនដែលបានមកទស្សនា និងជួយគាំទ្ររូបនាងខ្ញុំដែលបានឆ្លងនៅវគ្គ The RUNWAY៕

អត្ថបទ ៖ ចាន់រ៉ា