ជីវិតកម្សាន្ដ

ណូអែលឆ្នាំនេះ Ronaldo បានកាដូធំពីមិត្តស្រី តម្លៃវិញ មិនអន់ទេ

បានផុស

២ years មុន

នៅ

ថ្ងៃចន្ទ ២៦ ធ្នូ ២០២២

ដោយ

Sonya

ទោះបីជាថ្ងៃបុណ្យណូអែលបានកន្លងទៅមួយថ្ងៃហើយក្ដី ប៉ុន្តែមិត្តស្រីរបស់ CR7 បានធ្វើឲ្យមហាជនពោលសរសើរព្រាត បន្ទាប់ពីនាងបង្ហោះរូបភាពជួបជុំគ្រួសារយ៉ាងកក់ក្ដៅ ជាពិសេសនាងបានជូនកាដូឡានទំនើបដល់មិត្តប្រុសសំណព្វចិត្តទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិត្តស្រីកីឡាករបាល់ទាត់ Ronaldo តារាបង្ហាញម៉ូដ Georgina នៅល្ងាចថ្ងៃទី២៦ ខែធ្នូ ឆ្នាំ២០២២នេះ បានរៀបចំពិធីជប់លៀងជាមួយគ្រួសារ នៅភោជនីយដ្ឋានស្ងប់ស្ងាត់មួយកន្លែង ដើម្បីអបអរពិធីបុណ្យ Christmas។ ក្នុងរូបភាពដែលបានចែករំលែកនៅបណ្ដាញ IG ផ្ទាល់ខ្លួន Georgina បានធ្វើឲ្យមហាជនសរសើរពេញៗមាត់ ជាមួយនឹងអំណោយដ៏ពិសេសសម្រាប់ជូនដល់មិត្តប្រុសជាទីស្រឡាញ់នោះគឺ រថយន្តទំនើបថ្មីសន្លាង។ វាជារថយន្តម៉ាក Rolls Royce ពណ៌ស តម្លៃដល់ទៅ ២៥០,០០០ផោន (ប្រហែល ៣០ម៉ឺនដុល្លារអាមេរិក)។

ក្រោយទទួលបានអំណោយដ៏ថ្លៃៗមួយនេះ CR7 ពិតជាភ្ញាក់ផ្អើល និងរីករាយជាមួយនឹងអំណោយដែលមិត្តស្រីរបស់ខ្លួនជូនលោក ទោះបីនេះមិនមែនជាលើកទី១ដែល Georgina ជូនអំណោយរថយន្តក៏ដោយ។

ក្រៅពីជូនកាដូដល់មិត្តប្រុស Georgina ក៏បានជូនកាដូដល់កូនៗទាំងអស់ផងដែរ ដែលសកម្មភាពនេះត្រូវហ្វេនៗលួចច្រណែននឹងសុភមង្គលរបស់ Ronaldo មិនត្រឹមតែមានមិត្តស្រីស្រស់ស្អាតនោះទេ ថែមទាំងជាមនុស្សកក់ក្ដៅ ចេះគិតគូរគ្រួសារសព្វគ្រប់៕