CEO យីហោមួយ ប្ដឹងស្ថាបនិក Miss Grand ទាមទារសំណងជិត ៣លានដុល្លារ

ម្ចាស់យីហោលក់ឆ្នោត Hongthong បានដាក់ពាក្យប្ដឹងស្ថាបនិក Miss Grand លោក Nawat ដោយទាមទារសំណង ១០០លានបាត (ប្រហែល ២.៨លានដុល្លារអាមេរិក) ពីបទបំពានកិច្ចសន្យាផ្សព្វផ្សាយ។

CEO ក្រុមហ៊ុន VR Online Innovation Co., Ltd. ដែលជាក្រុមហ៊ុនលក់ឆ្នោត Hongthong បានចោទប្រកាន់លោក Nawat Isarakraisil ម្ចាស់ក្រុមហ៊ុន Miss Grand International Public Company Limited ពីបទបរិហារកេរ្តិ៍ និងរំលោភកិច្ចសន្យា ព្រមទាំងប្ដឹងទាមទារសំណងដែលមានតម្លៃ ១០០លានបាត​ ជាការសងជំងឺចិត្ត ក៏ដូចជាថ្លៃខូចខាត។

ដោយឡែកចំពោះលោក Nawat ​បានច្រានចោលពាក្យបណ្ដឹងនេះ ដោយលោកអះអាងថាខ្លួនបានបំពេញតាមកុងត្រាទាំងអស់ និង​បញ្ជូន​បវរកញ្ញា​ទៅ​ផ្សព្វផ្សាយ​ ប៉ុន្តែចំពោះការលុបចោលមកពីខាង Hongthong ខ្លួនឯងប៉ុណ្ណោះ ហើយលោកបានប្ដឹងទាមទារសំណងវិញចំនួន ៣លានបាត។ មិនតែប៉ុណ្ណោះស្ថាបនិក Miss Grand រូបនេះមានទាំង ឯកសារ​ភស្តុតាង​មកជាមួយទៀតផង។

យ៉ាងណាមិញ អ្នកស្រី Wee Thitapa Thanasappricha នាយកប្រតិបត្តិ Hongthong បានផ្តល់បទសម្ភាសន៍ដល់សារព័ត៌មាន ដោយអ្នកស្រីអះអាងដូចគ្នាថា ខ្លួនមានភស្តុតាងគ្រប់គ្រាន់ក្នុងការចោទប្ដឹង ហើយខ្លួនមិនខ្លាចក្នុងប្រឈមមុខជាមួយលោក Nawat នៅតុលាការឡើយ៕

ប្រែសម្រួល៖ សន្យា

ចុចអាន៖ មុនចេញទៅប្រកួត បវរកញ្ញាចក្រវាល Anna ត្រូវរៀមច្បងដៀមដាមយ៉ាងស្ពឹកមុខ