ជីវិតកម្សាន្ដ

Tiffany សមាជិកក្រុម Girls’ Generation ចុះកុងត្រាជាមួយផលិតកម្ម Sublime

បានផុស

២ years មុន

នៅ

ថ្ងៃពុធ ២៨ ធ្នូ ២០២២

ដោយ

ជាលើកដំបូងចាប់តាំងពីការចាកចេញរបស់ Tiffany Young សមាជិកក្រុម Girls’ Generation ពីផលិតកម្ម SM ដែលទីមួយនាងបានចូលរួមចុះកុងត្រាជាមួយផលិតកម្មក្នុងស្រុក Sublime ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលថ្ងៃទី ២៦ ខែធ្នូ ទីភ្នាក់ងារសិល្បករ Sublime បានប្រកាសជាផ្លូវការថា ” Tiffany Young សមាជិកក្រុម Girls’ Generation បានចុះកិច្ចសន្យាផ្តាច់មុខជាមួយពួកយើង” ។ ទីភ្នាក់ងារនេះបាននិយាយថា “យើងមានសេចក្តីសោមនស្សរីករាយដោយស្មោះដែលអាចធ្វើការរួមគ្នាជាមួយ Tiffany Young ហើយយើងនឹងគាំទ្រនាងយ៉ាងសកម្ម ដើម្បីឱ្យនាងអាចបញ្ចេញឥទ្ធិពលនោះក្នុងវិស័យជាច្រើននាពេលអនាគត»។

ជាមួយគ្នានេះគួរកត់សម្គាល់ឃើញថា ជាលើកទីមួយរបស់ Tiffany ដែលបានចុះកុងត្រាផ្តាច់មុខ ជាមួយទីភ្នាក់ងារកូរ៉េ ចាប់តាំងពីនាងបានបញ្ចប់កុងត្រាជាមួយ SM Entertainment កាលពីប្រាំឆ្នាំ មុន។ ទន្ទឹមនឹងនេះ Tiffany នឹងបង្ហាញខ្លួននៅក្នុងរឿងភាគរបស់ JTBC ដែលមានចំណងជើងថា “Reborn Rich” ដែលកំពុងចាក់ផ្សាយផងដែរ៕

ប្រែសម្រួល៖នាងតូច

ចុចអាន៖Daesung សមាជិកក្រុម BIGBANG នឹងមិនបន្តកុងត្រាជាមួយផលិតកម្ម YG