មកដឹងពីបុគ្គលល្បី ២០នាក់ មានថ្ងៃកំណើតដូចគ្នា

នៅលើផែនដីមានប្រជាជនប្រមាណ ៨ពាន់លាននាក់ ខណៈថ្ងៃមានត្រឹមតែ ៣៦៦ថ្ងៃប៉ុណ្ណោះ ដូច្នេះហើយការកើតចំថ្ងៃជាន់គ្នាមិនជារឿងចម្លែកទេ ។ មកស្គាល់ពីបុគ្គលល្បី ២០នាក់ដែលមានថ្ងៃខែនិងឆ្នាំកំណើតតែមួយដូចជា ៖

១. លោកប្រធានាធិបតេយ្យ Abraham Lincoln និងលោក Charles Darwin 

ថ្ងៃកំណើតទី១២ ខែកុម្ភៈ ឆ្នាំ១៨០៩

_ Abraham Lincoln គឺជា ជនជាតិអាមេរិក ធ្លាប់ជាមេធាវី អ្នកនយោបាយ និងអតីតប្រធានាធិបតេយ្យអាមេរិកទី១៦ ពីឆ្នាំ ១៨៦១ រហូតដល់ ឆ្នាំ ១៨៦៥ (ត្រូវគេសម្លាប់)។ 

_ Charles Darwin គឺជា ធម្មជាតិវិទូ ភូគព្ភវិទូ និងជីវវិទូជនជាតិអង់គ្លេស ។ 

២. អ្នកស្រី Angelina Jolie និងលោក Russell Brand

ថ្ងៃកំណើតទី៤ ខែមិថុនា ឆ្នាំ១៩៧៥

_ អ្នកស្រី Angelina ជា តារាសម្ដែងជនជាតិអាមេរិក អ្នកនិពន្ធរឿង ចូលចិត្តធ្វើអំពើល្អ និងជាអតីតបេសកជនពិសេសនៃឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន ។

_ Russell Edward Brand គឺជា តារាកំប្លែង និងជាតារាសម្ដែងជនជាតិអង់គ្លេស គេស្គាល់ថាជាតារាសម្ដែងដែលមានស្ទីល និងអាកប្បកិរិយាគួរឲ្យទាក់ទាញ។

៣. លោក Joseph Gordon-Levitt និងអ្នកស្រី Paris Hilton 

ថ្ងៃកំណើតទី១៧ ខែកុម្ភៈ ឆ្នាំ១៩៨១

_ Joseph Leonard គឺជា តារាសម្តែងជនជាតិអាមេរិកទទួលការសរសើរជាច្រើន រួមទាំងឈ្នះពានរង្វាន់ Golden Globe តារាសម្ដែងល្អបំផុតទៀតផង ។

_ Paris Hilton គឺជា បុគ្គលល្បីជនជាតិអាមេរិក នាងមានការងារជាច្រើនរួមមាន ជំនួញ និងម៉ូដែលជាដើម ៊ 

៤. តារាជើងចាស់ Madonna និងអ្នកស្រី Angela Bassett 

ថ្ងៃកំណើតទី១៦ ខែសីហា ឆ្នាំ១៩៥៨

_ Madonna Louise Ciccone គឺជា តារាចម្រៀង និងជាតារាសម្តែងជនជាតិអាមេរិក ។ មានរហ័សនាមថា “ម្ចាស់ក្សត្រីចម្រៀងប៉ុប” ។

_ Angela Evelyn Bassett គឺជា តារាសម្តែងជនជាតិអាមេរិកធ្លាប់ឈ្នះពានរង្វាន់ Academy Award តារាសម្តែងស្រីល្អបំផុត ។

៥. អ្នកស្រី Michelle Obama និងអ្នកស្រី Michelle Fairley 

ថ្ងៃកំណើតទី១៧ ខែមករា ឆ្នាំ១៩៦៤

_ Michelle LaVaughn Robinson Obama គឺជា មេធាវី និងជាអ្នកនិពន្ធជនជាតិអាមេរិក ដែលបានបម្រើការជាស្ត្រីទីមួយរបស់សហរដ្ឋអាមេរិកពីឆ្នាំ ២០០៩ ដល់ឆ្នាំ ២០១៧ ។ 

_ Michelle Fairley គឺជា តារាសម្តែងមកពីប្រទេសអៀរឡង់ខាងជើង ។

៦. លោក George W. Bush និងលោក Sylvester Stallone 

ថ្ងៃកំណើតទី៦ ខែកក្កដា ឆ្នាំ១៩៤៦

_ George Walker Bush គឺជា អ្នកនយោបាយជនជាតិអាមេរិក ដែលបានបម្រើការជាប្រធានាធិបតីទី៤៣ របស់សហរដ្ឋអាមេរិក ពីឆ្នាំ ២០០១ ដល់ឆ្នាំ ២០០៩ ។

_ Sylvester Enzio Stallone គឺជា តារាសម្តែង និងជាផលិតករភាពយន្តជនជាតិអាមេរិក ។

៧. តារាចម្រៀង Rihanna និង Jiah Khan 

ថ្ងៃកំណើតទី២០ ខែកុម្ភៈ ឆ្នាំ១៩៨៨

_ Rihanna គឺ​ជា ​តារា​ចម្រៀង តារា​សម្ដែង និង​ជា​អ្នក​ជំនួញ​ជនជាតិ​បាបាដ ។

_ Jiah Khan គឺជា ​តារា​សម្ដែង ​តារា​ចម្រៀង​សញ្ជាតិ​អង់គ្លេស-អាមេរិក ដែល​ធ្វើ​ការ​ក្នុង​ភាពយន្ត​ឥណ្ឌា។ 

៨. លោក John Cena និងលោក John Oliver 

ថ្ងៃកំណើតទី២៣ ខែមេសា ឆ្នាំ១៩៧៧

_ John Felix Anthony Cena គឺជា អ្នកកីឡាកាសអាជីពក្រៅម៉ោង តារាសម្តែង និងជាអតីតអ្នករ៉េប ។ 

_តារាកំប្លែង John Oliver ជាពិធីករទូរទស្សន៍ជនជាតិអង់គ្លេស-អាមេរិកាំង ។

៩. កញ្ញា Taylor Swift និងអ្នកនិពន្ធ Katherine Schwarzenegger 

ថ្ងៃកំណើតទី១៣ ខែធ្នូ ឆ្នាំ១៩៨៩

_ Taylor Alison Swift គឺជា តារាចម្រៀងជនជាតិអាមេរិក ។ 

_ Katherine Schwarzenegger Pratt គឺជា អ្នកនិពន្ធជនជាតិអាមេរិកដូចគ្នា ។ 

១០. តារាចម្រៀង Adele និង Brooke Hogan 

ថ្ងៃកំណើតទី៥ ខែឧសភា ឆ្នាំ១៩៨៨

_ Adele គឺជា ​អ្នក​ចម្រៀង និង​​និពន្ធ​បទ​ចម្រៀង​ជនជាតិ​អង់គ្លេស ។

_ Brooke Hogan គឺជា តារាចម្រៀង និងជាតារាសម្តែង ៕

ប្រែសម្រួលដោយ ៖ វារី

ចុចអាន ៖ គូស្នេហ៍ល្បីឈ្មោះលំដាប់ពិភពលោក ៧ គូនេះ ការពិតជាបងប្អូននឹងគ្នាសោះ

ចុចអាន ៖ មកស្គាល់បុគ្គលល្បីៗទូទាំងពិភពលោក ៩ រូប មាន ជំងឺខ្វាក់ពណ៌