សរុបពិធីមង្គលការតារាល្បីៗអន្តរជាតិ ៨ គូ ផ្អើលគេឯងក្នុងឆ្នាំ ២០២២

ពិធីមង្គលការជា ពិធីសំខាន់មួយក្នុងឆាកជីវិតមនុស្សគ្រប់គ្នា មិនថាតូច មិនថាធំ សុទ្ធតែចំណាយពេលជាច្រើនឆ្នាំទើបអាចរៀបការបាន។ ថ្ងៃនេះ យើងមកសរុបកម្មវិធីមង្គលការតារាល្បីក្នុងឆ្នាំ ២០២២ ជាមួយគ្នា ៖

១. Brooklyn Beckham និង Nicola Peltz

ក្នុងមង្គលការរបស់កូនប្រុសលោក David Beckham អតីតកីឡាករបាល់ទាត់ដ៏ឆ្នើមមួយរូប ជាមួយនឹងអ្នកស្រី Nicola ដែលជាតារាសម្ដែងជនជាតិអាមេរិក ពោរពេញទៅដោយភ្ញៀវកិត្តិយសល្បីៗជាច្រើន ។ ចំណែកឯរ៉ូបកូនក្រមុំវិញក៏មិនធម្មតាដែរ គឺជារ៉ូបម៉ាក Valentino ដ៏ប្រណិតមានតម្លៃដល់ទៅ ១០ម៉ឺនដុល្លារឯណោះ ។

២. Jennifer Lopez និង Ben Affleck

Jennifer Lopez ជាតារាចម្រៀងដ៏ល្បីបានរៀបការជាមួយតារាសម្ដែងអាមេរិកាំងលោក Ben Affleck ។ ពួកគេបានទាក់ទងគ្នាអស់រយៈពេល ២០ឆ្នាំមកហើយ ទម្រាំសម្រេចចិត្តរៀបការក្នុងឆ្នាំនេះ ពិតជាគួរឲ្យសរសើរមែន ។ 

៣. Chloë Sevigny និង Siniša Mačković

តារាសម្ដែងស្រី Chloë Sevigny រៀបការជាមួយលោក Siniša Mačković គឺជា អ្នកសិល្បៈ និងជានាយកវិចិត្រសាលសិល្បៈ Karma នៅទីក្រុងញូវយ៉ក ។ ការពិតអ្នកទាំងពីរមានកូនប្រុសអាយុ ២ខួបហើយ មង្គលការនេះប្រៀបដូចជាពិធីជប់លៀងសម្រាប់ពួកគេប៉ុណ្ណោះ ។

៤. Nora Attal និង Victor Bastidas

Nora Attal គឺជា តារាម៉ូដែលជនជាតិអង់គ្លេស ចំណែកឯស្វាមីវិញគឺជា អ្នកផលិតខ្សែភាពយន្ត ។ កម្មវិធីមង្គលការត្រូវធ្វើឡើងកាលពីខែកក្កដា ឆ្នាំ ២០២២ ក្នុងប្រទេសអេស្ប៉ាញ កោះ Ibiza ។

៥. Kourtney Kardashian និង Travis Barker

Kourtney Kardashian ជាបងស្រីធំក្នុងគ្រួសារ Kardashian មានទ្រព្យសម្បត្តិប្រមាណ ៦៥លានដុល្លារ សម្រាប់ Travis វិញគឺជា តន្ត្រីករជនជាតិអាមេរិក ។ កាន់តែពិសេស គ្រួសារខាងស្រីសុទ្ធតែស្លៀកពាក់ម៉ាក Dolce & Gabbana ក្នុងកម្មវិធីនោះ ។

៦. Britney Spears និង Sam Asghari

Sam Asghari ជា តារាបង្ហាញម៉ូត ជនជាតិអាមេរិក-អ៊ីរ៉ង់ និងគ្រូបង្វឹកកាយសម្បទា ។ ទោះបី Sam មានអាយុប្អូន Britney ១៣ឆ្នាំក៏ដោយ នៅតែអាចបន្តចំណងអាពាហ៍ពិពាហ៍ទៅមុខយ៉ាងរលូន ។

៧. Jay Ellis និង Nina Senicar

លោក Jay Ellis គឺជាតារាសម្ដែងជនជាតិអាមេរិក រីឯ Nina គឺជាតារាសម្តែងជនជាតិស៊ែប៊ី ។ ដំបូងពួកគេមានគម្រោងរៀបការយូរមកហើយ ប៉ុន្តែដោយសារវិបត្តិកូវីដ-១៩ ទើបត្រូវលើកមកនៅឆ្នាំនេះវិញ ។

៨. Pixie Lott និង Oliver Cheshire

តារាចម្រៀង Pixie Lott និងលោក Oliver Cheshire ជាជនជាតិអង់គ្លេសស្ថិតក្នុងរង្វង់សិល្បៈដូចគ្នា ។  អ្នកដឹងទេថា គ្រាន់តែរ៉ូបរៀបការរបស់នាងត្រូវចំណាយពេលដល់ទី ៦៥០ម៉ោងទើបរួចរាល់ ៕

ប្រែសម្រួលដោយ ៖ វារី

ចុចអាន ៖ កម្រងរូបភាពគួរឲ្យស្រលាញ់របស់តារាល្បីៗពិភពលោក ១០ ដួង កាលនៅតូច

ចុចអាន ៖ ភូមិគ្រឹះលំដាប់អភិជន របស់តារាស្រីថៃ ៥ ដួង មិនត្រឹមតែស្អាតនិងអស្ចារ្យ ឯតម្លៃខ្ទង់លាន