ផលិតកម្ម YG ឆ្លើយតបពាក្យចចាមអារ៉ាមថា BLACKPINK នឹងចាកចេញពីទ្រនំខ្លួន ក្រោយចប់កុងត្រា

នៅថ្ងៃទី៣០ ខែធ្នូ ឆ្នាំ២០២២ ប្រភពពីគណនី Twitter ឈ្មោះ KpopHerald បានគេរាយការណ៍ថា ក្រុមចម្រៀងនារី BLACKPINK នឹងចាកចេញពីផលិតកម្ម YG Entertainment បន្ទាប់ពីបញ្ចប់កុងត្រានៅចុងឆ្នាំនេះ ហើយបន្តកិច្ចសន្យាជាមួយក្រុមហ៊ុនបុត្រសម្ព័ន្ធ THE BLACK LABEL ។

ក្រោយពីមានពាក្យចចាមអារ៉ាមលេចឮពាសពាញបណ្ដាញសង្គម ទីភ្នាក់ងារផលិតកម្ម YG Entertainment បានចេញសេចក្ដីថ្លែងការណ៍ឆ្លើយតបភ្លាមៗទៅនឹងព័ត៌មានដែលកំពុងតែកក្រើកនេះ។ នៅក្នុងសេចក្តីថ្លែងការណ៍ YG Entertainment បានច្រានចោលនូវព័ត៌មានដែលថា BLACKPINK ផ្លាស់ទៅ THE BLACK LABEL គឺជារឿងមិនពិត។

យ៉ាងណាមិញ ចំពោះការចាកចេញ ឬបន្តយ៉ាងណានោះ ផលិតកម្ម YG មិនបានបញ្ជាក់នោះទេ ​ព្រោះពេលនេះ BLACKPINK នៅជាប់កុងត្រានៅឡើយ។

គួរបញ្ជាក់ថា នៅចុងឆ្នាំនេះ តារាចម្រៀង Taeyang បានចាកចេញពី YG Entertainment ដោយទៅជ្រកកោនក្រោមទ្រនំ THE BLACK LABEL ចំណែកក្រុមចម្រៀងបុរស iKON ក៏ទើបតែប្រកាសមិនបន្តកុងត្រារបស់ពួកគេជាមួយ YG ដែរ៕

ប្រែសម្រួល៖ សន្យា

ចុចអាន៖ Lisa ជាប់លេខ៣ ជាស្រីស្អាតបំផុតលើលោក នៅលើគេហទំព័រអន្តរជាតិ